കടലിൽ കാണാതായ ഒരാളുടെ മൃതദേഹം കൂടി കണ്ടെത്തി

സാബു ജോർജ്​ വിഴിഞ്ഞം: തിരയിൽപെട്ട് കാണാതായ പുല്ലുവിള സ്വദേശികളായ ഒരാളുടെ മൃതദേഹം കൂടി കണ്ടെത്തി. പുല്ലുവിള ഇരമ്മിയൻ തുറപുരയിടത്തിൽ ജോർജ്-സ്​​റ്റെല്ല ദമ്പതികളുടെ മകൻ സാബു ജോർജി​​ൻെറ (23) മൃതദേഹമാണ് ഞായറാഴ്​ച ഉച്ചയോടെ കടലിൽ ആഴിമല ഭാഗത്ത് കണ്ടെത്തിയത്. കഴിഞ്ഞ വ്യാഴാഴ്ച സന്ധ്യയോടെയാണ് പുല്ലുവിള സ്വദേശികളായ നാല് യുവാക്കളും ശക്തമായ തിരയിൽപെട്ട് കടലിൽ കാണാതായത്. ജോൺസൺ, മനു എന്നിവരുടെ മൃതദേഹങ്ങൾ നേരത്തേ കണ്ടെടുത്തിരുന്നു. പുല്ലുവിള വലിയപള്ളിക്കു സമീപം വർഗീസി​ൻെറയും മാർഗരീത്തയുടെയും മകൻ സന്തോഷ് വർഗീസിനെയാണ് (27) ഇനി കണ്ടെത്താനുള്ളത്. ഇയാൾക്കായുള്ള തിരച്ചിൽ തുടരുമെന്ന് അധികൃതർ അറിയിച്ചു. തീരദേശ പൊലീസി​ൻെറ വിഴിഞ്ഞം തീരത്തെത്തിച്ച മൃതദേഹം നടപടിക്രമങ്ങൾ പൂർത്തിയാക്കി പോസ്​റ്റ്​മോർട്ടത്തിനായി മെഡിക്കൽ കോളജ് മോർച്ചറിയിലേക്ക് മാറ്റി. ഫോട്ടോ - SABU VARGEESE കടലിൽ മുങ്ങിമരിച്ച സാബു ജോർജ് (23)