Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightവെഞ്ഞാറമൂട്...

വെഞ്ഞാറമൂട് ഇരട്ടക്കൊല: തെളിവെടുപ്പ് പൂര്‍ത്തിയായി

text_fields
bookmark_border
വെഞ്ഞാറമൂട്: ഡി.വൈ.എഫ്.ഐ പ്രവര്‍ത്തകരായ ഹഖ് മുഹമ്മദിനെയും മിഥിലാജിനെയും വെട്ടിക്കൊലപ്പെടുത്തിയ കേസിലെ പ്രതികളുമായുള്ള പൊലീസി​ൻെറ തെളിവെടുപ്പ് പൂര്‍ത്തിയായി. കേസിലെ മുഖ്യപ്രതികളായ ഉണ്ണി, സജീവ് എന്നിവരെ ഞായറാഴ്ച പുലർച്ചെ രണ്ടിന് കേസുമായി ബന്ധപ്പെട്ട സ്ഥലങ്ങളിലെത്തിച്ച് ആവശ്യമായ വിവരങ്ങള്‍ ശേഖരിച്ചു. തിരുവോണത്തലേന്നായിരുന്നു കൊലപാതകം. നിലവില്‍ കേസില്‍ ഒമ്പത് പ്രതികളാണുള്ളത്. അന്വേഷണസംഘം തെളിവെടുപ്പിനും കൂടുതല്‍ ചോദ്യംചെയ്യലിനുമായി റിമാൻഡിലായിരുന്ന ഇവരെ ഒരാഴ്ച മുമ്പ്​ കസ്​റ്റഡിയില്‍ വാങ്ങി. കസ്​റ്റഡിയിലിരിക്കെ കേസിലെ പ്രതിയായ സനലിന് നെഞ്ച് വേദന അനുഭവപ്പെട്ടതിനെ തുടര്‍ന്ന് ആശുപത്രിയില്‍ പ്രവേശിപ്പിച്ച കാരണം തെളിവെടുപ്പിന് എത്തിച്ചില്ല. മറ്റ് ആറ് പേരുമായി നേരത്തെ തെളിവെടുപ്പ് നടത്തുകയും ചെയ്തിരുന്നു. തെളിവെടുപ്പ് പൂര്‍ത്തിയായ സാഹചര്യത്തില്‍ പൊലീസ് കസ്​റ്റഡിയിലുള്ള പ്രതികളെ തിങ്കളാഴ്ച കോടതിയില്‍ തിരികെ എത്തിക്കാന്‍ സാധ്യതയുണ്ട്.
Show Full Article
TAGS:
Next Story