സി.പി.എം പ്രവർത്തകയുടെ ആത്മഹത്യ: സമഗ്രാന്വേഷണം വേണം -വിമൻ ജസ്​റ്റിസ്

തിരുവനന്തപുരം: പാറശ്ശാലയിൽ സി.പി.എം പ്രവർത്തകയായ ആശ പാർട്ടി ഓഫിസിൽ ആത്മഹത്യ ചെയ്ത സംഭവത്തിൽ പഴുതടച്ച അന്വേഷണം വേണമെന്ന് വിമൻ ജസ്​റ്റിസ് സംസ്ഥാന പ്രസിഡൻറ്​ ജബീന ഇർഷാദ് ആവശ്യപ്പെട്ടു. ആത്മഹത്യക്കുറിപ്പിൽ സി.പി.എം പ്രാദേശിക നേതാക്കൾക്കെതിരെ ആരോപണങ്ങൾ ഉന്നയിച്ചത് ഗൗരവതരമാണ്. ഭരണസ്വാധീനം ഉപയോഗിച്ച്​ ഇത്തരം കേസുകൾ ഒതുക്കിത്തീർക്കാതെ പ്രതികളെ നിയമത്തിനു മുന്നിൽ കൊണ്ടുവരണമെന്ന് അവർ ആവശ്യപ്പെട്ടു.