Begin typing your search above and press return to search.
exit_to_app
exit_to_app
Posted On
date_range 9 Sep 2020 11:58 PM GMT Updated On
date_range 9 Sep 2020 11:58 PM GMTവെട്ടേറ്റ് മരിച്ച എസ്.ഡി.പി.ഐ പ്രവർത്തകന് വിട
text_fieldsbookmark_border
കൂത്തുപറമ്പ്: ചിറ്റാരിപ്പറമ്പ് ചൂണ്ടയിൽ വെട്ടേറ്റ് മരിച്ച എസ്.ഡി.പി.ഐ പ്രവർത്തകൻ സയ്യിദ് മുഹമ്മദ് സലാഹുദ്ദീന് കണ്ണീരിൽ കുതിർന്ന വിട . ഖബറടക്കം ബുധനാഴ്ച വൈകീട്ട് അഞ്ചുമണിയോടെ കണ്ണവം വെളുമ്പത്ത് മഖാം ഖബർസ്ഥാനിൽ നടന്നു. കോവിഡ് പ്രോട്ടോകോൾ പാലിക്കണമെന്ന് പൊലീസ് നിർദേശിച്ചിരുന്നുവെങ്കിലും പാലിക്കപ്പെട്ടില്ല. തലശ്ശേരി ജനറൽ ആശുപത്രിയിൽ പോസ്റ്റ് മോർട്ടത്തിനു ശേഷം മൃതദേഹം വൈകീട്ട് 4.45ന് കണ്ണവം ടൗണിലെത്തിച്ചപ്പോൾ വൻ ജനക്കൂട്ടമായിരുന്നു. വീട്ടിൽ കൊണ്ടുപോയ മൃതദേഹം കുടുംബാംഗങ്ങളെയും ബന്ധുക്കളെയും കാണിച്ച ശേഷം കണ്ണവം മുനവിർ ഇസ്ലാം പള്ളി മദ്റസയിൽ പ്രത്യേകം തയാറാക്കിയ സ്ഥലത്ത് പൊതുദർശനത്തിന് വെച്ചു. മരണശേഷം നടന്ന ട്രാനാറ്റ് ടെസ്റ്റിൽ സലാഹുദീന് കോവിഡ് സ്ഥിരീകരിച്ചുവെന്ന് ആരോഗ്യവകുപ്പ് അധികൃതർ വ്യക്തമാക്കിയിരുന്നു. എന്നാൽ ഇത്, ഖബറടക്കത്തിന് ആൾക്കൂട്ടം തടയാൻ വേണ്ടിയായിരുന്നുവെന്ന് സംശയിക്കുന്നതായി എസ്.ഡി.പി ഐ നേതൃത്വം പറയുന്നു. സംഘർഷ സാധ്യത കണക്കിലെടുത്ത് കണ്ണവം ടൗണിലും പരിസരത്തും ശക്തമായ പൊലീസ് സംഘത്തെ നിയോഗിച്ചിരുന്നു. എന്നാൽ, തീർത്തും സമാധാനപരമായ അന്തരീക്ഷത്തിലാണ് ചടങ്ങുകൾ പൂർത്തിയാക്കിയത്. എസ്.ഡി.പി.ഐ ദേശീയ പ്രസിഡൻറ് എം.കെ. ഫൈസിയുടെ നേതൃത്വത്തിലാണ് ആശുപത്രി അധികൃതരിൽനിന്ന് മൃതദേഹം ഏറ്റുവാങ്ങിയത്. എസ്.ഡി.പി.ഐ ദേശീയ പ്രസിഡൻറ് എം.കെ. ഫൈസി, പോപുലര് ഫ്രണ്ട് ദേശീയ ചെയര്മാന് ഒ.എം.എ. സലാം, പോപുലര് ഫ്രണ്ട് ദേശീയ സെക്രട്ടറി നാസിറുദ്ദീന് എളമരം, പോപുലര് ഫ്രണ്ട് സംസ്ഥാന പ്രസിഡൻറ് സി.പി. മുഹമ്മദ് ബഷീര്, ജനറല് സെക്രട്ടറി അബ്ദുസലാം, സംസ്ഥാന ട്രഷറര് കെ.എച്ച്. നാസര്, ദേശീയ സമിതി അംഗം സാദത്ത് മാസ്റ്റര്, എസ്.ഡി.പി.ഐ സംസ്ഥാന പ്രസിഡൻറ് പി. അബ്ദുല് മജീദ് ഫൈസി, സംസ്ഥാന സെക്രട്ടറി കെ.കെ. അബ്ദുല് ജബ്ബാര്, ഭാരവാഹികളായ ഹുസൈര്, കെ.എസ്. ഷാന്, മുസ്തഫ കൊമ്മേരി, അബ്ദുല് ഹമീദ് മാസ്റ്റര്, പോപുലര് ഫ്രണ്ട് സോണല് പ്രസിഡൻറ് എം.വി. റഷീദ് മാസ്റ്റര്, സെക്രട്ടറി പി.എൻ. ഫൈനാസ്, എസ്.ഡി.പി.ഐ ജില്ല പ്രസിഡൻറ് എ.സി. ജലാലുദ്ദീന്, ജില്ല ജനറല് സെക്രട്ടറി ബഷീര് കണ്ണാടിപ്പറമ്പ്, പോപുലര് ഫ്രണ്ട് കണ്ണൂര് ജില്ല പ്രസിഡൻറ് എ.പി. മഹ്മൂദ്, കണ്ണൂര് ജില്ല സെക്രട്ടറി പി.വി. മുഹമ്മദ് അനസ് തുടങ്ങിയവര് അന്ത്യോപചാരമര്പ്പിക്കാനെത്തിയിരുന്നു. പോപുലര് ഫ്രണ്ട് ദേശീയ ചെയര്മാന് ഒ.എം.എ. സലാം സന്ദേശം നല്കി. സ്വലാഹുദ്ദീൻെറ പിതാവ് സയ്യിദ് യാസീന് കോയ തങ്ങള് മയ്യിത്ത് നമസ്കാരത്തിന് നേതൃത്വം നല്കി. അമ്മാവന് സയ്യിദ് മുഹമ്മദ് മഖ്തൂം സംസാരിച്ചു. പടങ്ങൾ F കോളം Photos ഇൽ SDPI എന്ന ഫോൾഡറിൽ kng SDPI 4 കൊല്ലപ്പെട്ട എസ്.ഡി.പി.ഐ പ്രവര്ത്തകന് സയ്യിദ് മുഹമ്മദ് സലാഹുദ്ദീൻെറ മൃതദേഹം തലശ്ശേരി ജനറല് ആശുപത്രിയില് പോസ്റ്റ്മോര്ട്ടത്തിനു ശേഷം നാട്ടിലേക്ക് കൊണ്ടുപോകാന് ആംബുലന്സില് കയറ്റുന്നു kng SDPI 3 കൊല്ലപ്പെട്ട എസ്.ഡി.പി.ഐ പ്രവര്ത്തകന് സയ്യിദ് മുഹമ്മദ് സലാഹുദ്ദീന് നേതാക്കള് ആദരാഞ്ജലി അര്പ്പിക്കുന്നു kng SDPI 2 കൊല്ലപ്പെട്ട എസ്.ഡി.പി.ഐ പ്രവര്ത്തകന് സയ്യിദ് മുഹമ്മദ് സലാഹുദ്ദീൻെറ മൃതദേഹം പൊതുദര്ശനത്തിനു വെച്ച ശേഷം ഖബര്സ്ഥാനിലേക്ക് കൊണ്ടുപോകുന്നു
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story