Begin typing your search above and press return to search.
exit_to_app
exit_to_app
Posted On
date_range 4 Sep 2020 11:58 PM GMT Updated On
date_range 4 Sep 2020 11:58 PM GMTഅറബിക് സർവകലാശാല: വാഗ്ദാനം പാലിക്കണം -ആക്ഷൻ കൗൺസിൽ
text_fieldsbookmark_border
കിളിമാനൂർ: അറബിക് സർവകലാശാല സ്ഥാപിക്കുമെന്ന എൽ.ഡി.എഫ് പ്രകടനപത്രികയിലെ പ്രഖ്യാപനം നടപ്പാക്കുന്നവിഷയത്തിൽ സർക്കാർ പിന്നോട്ട് പോകരുതെന്നും അടിയന്തര നടപടികൾ സ്വീകരിക്കണമെന്നും സർവകലാശാല ആക്ഷൻ കൗൺസിൽ ആവശ്യപ്പെട്ടു. സച്ചാർ കമ്മിറ്റി റിപ്പോർട്ടിൻെറ അടിസ്ഥാനത്തിൽ പാലോളി കമ്മിറ്റി ശിപാർശ ചെയ്തതും ഉന്നത വിദ്യാഭ്യാസ കൗൺസിൽ അംഗീകരിച്ചതുമായ അറബിക് സർവകലാശാല സ്ഥാപിക്കുന്നത് പരിഗണനയിലില്ലെന്ന മുഖ്യമന്ത്രിയുടെ വാർത്തസമ്മേളനത്തിലെ പ്രസ്താവന പ്രതിഷേധാർഹവും വാഗ്ദാന ലംഘനവുമാണെന്ന് യോഗം അഭിപ്രായപ്പെട്ടു. ഓൺലൈൻ മീറ്റിങ്ങിൽ ആക്ഷൻ കൗൺസിൽ ചെയർമാൻ എം.എ. സമദ് അധ്യക്ഷതവഹിച്ചു. ജമാഅത്ത് ഫെഡറേഷൻ സംസ്ഥാന ജനറൽ സെക്രട്ടറി അഡ്വ. കെ.പി. മുഹമ്മദ് ഉദ്ഘാടനം ചെയ്തു. ജനറൽ കൺവീനർ ഡോ. എം.എസ്. മൗലവി റിപ്പോർട്ട് അവതരിപ്പിച്ചു. ദക്ഷിണകേരള ജംഇയ്യതുൽ ഉലമ സംസ്ഥാന ട്രഷറർ തേവലക്കര അലിയാരുകുഞ്ഞ് മൗലവി മുഖ്യപ്രഭാഷണം നടത്തി. കേരള സർവകലാശാല അറബിക് വിഭാഗം മുൻ തലവൻ ഡോ.എ. നിസാറുദ്ദീൻ, കെ.എ.എം.എ സംസ്ഥാന ജനറൽ സെക്രട്ടറി എം. തമീമുദ്ദീൻ, ഡോ.എസ്.എ. ഷാനവാസ്, എം. ഇമാമുദ്ദീൻ എന്നിവർ സംസാരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story