പട്ടിണി സമരം നടത്തി

തിരുവനന്തപുരം: തിരുവോണ നാളില്‍ സെക്ര​േട്ടറിയറ്റിന് മുന്നില്‍ ഇംഗ്ലീഷ് ഇന്ത്യന്‍ ക്ലേ ഫാക്ടറി എംപ്ലോയീസ് യൂനിയന്‍ യു.ടി.യു.സി പട്ടിണി സമരം നടത്തി. സമരം യു.ടി.യു.സി സംസ്ഥാന പ്രസിഡൻറ്​ ബാബുദിവാകരന്‍ ഉദ്ഘാടനം ചെയ്തു. ഇംഗ്ലീഷ് ഇന്ത്യന്‍ ക്ലേ ഫാക്ടറിയിലെ തൊഴിലാളികളെ പട്ടിണിയിലാക്കിയത് സര്‍ക്കാറും മാനേജ്മൻെറും ഭരണപക്ഷ യൂനിയ‍​ൻെറ നേതൃത്വത്തിലുള്ള കുറുമുന്നണിയും തമ്മിലുള്ള രഹസ്യ ധാരണയുടെ അടിസ്ഥാനത്തിലാണെന്ന് അദ്ദേഹം പറഞ്ഞു. കെ.ജി. സുരേഷ് ബാബു, കെ. ജയകുമാര്‍, എം. പോള്‍, കരിയ്ക്കകം സുരേഷ്, രാജേന്ദ്രന്‍, അനില്‍കുമാര്‍, തമ്പി എന്നിവര്‍ സംസാരിച്ചു. കെ. അജയകുമാര്‍, വി. മണികണ്ഠന്‍, സുധി കെ. പ്രസാദ്, കെ. കുഞ്ഞുമോന്‍, എന്‍.കെ. ദിലീപ് കുമാര്‍ എന്നിവര്‍ പട്ടിണി സമരത്തിന് നേതൃത്വം നല്‍കി.