നിയന്ത്രണം വിട്ട ലോറി ക്ഷേത്ര മതിൽക്കെട്ട് തകർത്തു; ആളപായമില്ല

കിളിമാനൂർ: നിയന്ത്രണം വിട്ട ലോറി ക്ഷേത്രമതിൽക്കെട്ട് തകർത്തു. സംഭവത്തിൽ ആളപായമില്ല. തിങ്കളാഴ്ച പുലർച്ച തൊളിക്കുഴി-അടയമൺ ഇറക്കത്തിലാണ് സംഭവം. തമിഴ്നാട്ടിൽനിന്ന് പോത്തൻകോ​േട്ടക്ക് അരിയുമായി വന്ന നാഷനൽ പെർമിറ്റ് ലോറിയാണ് കടയ്ക്കലിനും കുറവൻകുഴിക്കും മധ്യേ തൊളിക്കുഴി-അടയമൺ ഇറക്കത്തിൽ നിയന്ത്രണം വിടുകയും കയറ്റത്തിന് താഴ്വരത്തെ അടയമൺ ഭഗവതിയറ നാഗരുകാവിലെ മതിൽക്കെട്ട് തകർത്ത് ഇടിച്ചുനിൽക്കുകയും ചെയ്തത്. റോഡിലെ ഓടകളും കടന്നാണ് ക്ഷേത്രത്തി​ൻെറ മതിൽക്കെട്ട് തകർത്തത്. അപകടത്തിൽ ലോറി ഡ്രൈവർക്കും ക്ലീനർക്കും നിസ്സാര പരിക്കുപറ്റി.