മന്ത്രി എ.സി. മൊയ്തീന്‍ ലൈഫ് മിഷൻ സി.ഇ.ഒയോട്​ വിശദീകരണം തേടി

തിരുവനന്തപുരം: വടക്കാഞ്ചേരി ലൈഫ് മിഷന്‍ ഫ്ലാറ്റ് വിവാദത്തില്‍ റെഡ് ക്രസൻറുമായുള്ള കരാറിൽ മന്ത്രി എ.സി. മൊയ്തീന്‍ ലൈഫ് മിഷൻ സി.ഇ.ഒ യു.വി. ജോസിനോട് വിശദീകരണം തേടി. കരാറുമായി ബന്ധപ്പെട്ട മുഴുവന്‍ രേഖകളും ഹാജരാക്കാൻ ആവശ്യപ്പെട്ടു. തിങ്കളാഴ്ച നിയമസഭ ചേരാനിരിക്കെയാണ് മന്ത്രി നേരിട്ട് വിവരങ്ങള്‍ തേടിയത്. യു.എ.ഇയിൽ നിന്ന് നേരിട്ട് ധനസഹായം സ്വീകരിക്കുന്നതിന് നിയമതടസ്സങ്ങൾ ഉള്ളതുകൊണ്ടാണ് റെഡ്ക്രസൻറുമായി ധാരണപത്രം ഒപ്പിട്ടത് എന്നായിരുന്നു സർക്കാർ വിശദീകരണം. എന്നാല്‍ നിർമാണ കരാർ ഒപ്പിട്ടത് യു.എ.ഇ കോൺസുലേറ്റും യൂനിടാക്കും തമ്മിലെന്ന് തെളിയിക്കുന്ന കരാർരേഖ പുറത്തുവന്നിരുന്നു.