Begin typing your search above and press return to search.
exit_to_app
exit_to_app
Posted On
date_range 13 Aug 2020 11:58 PM GMT Updated On
date_range 13 Aug 2020 11:58 PM GMTമാനസികാസ്വാസ്ഥ്യത്തിന് ആശുപത്രിയിൽ ചികിത്സക്കെത്തിയ രോഗി സുരക്ഷാ ജീവനക്കാരനെ ബലപ്രയോഗത്തിലൂടെ കീഴ്പ്പെടുത്തി
text_fieldsbookmark_border
തിരുവനന്തപുരം: മാനസികാസ്വാസ്ഥ്യത്തിന് മെഡിക്കൽ കോളജ് ആശുപത്രിയിൽ ചികിത്സക്കെത്തിയ രോഗി സുരക്ഷാ ജീവനക്കാരനെ ബലപ്രയോഗത്തിലൂടെ കീഴ്പ്പെടുത്തി ഇറങ്ങിപ്പോയി. പൊലീസ് നടത്തിയ അന്വേഷണത്തിൽ ഇയാളെ വീട്ടിൽനിന്ന് കണ്ടെത്തി. മര്യനാട് സ്വദേശിയായ 32 കാരനാണ് ആശുപത്രിയിൽനിന്ന് കടന്നത്. ഇയാളുടെ കോവിഡ് പരിശോധനാ ഫലം പോസിറ്റിവാണെന്ന് കണ്ടെത്തിയിരുന്നു. വ്യാഴാഴ്ച പുലർച്ച ഒന്നരയോടെയായിരുന്നു സംഭവം. കണ്ടെയ്മൻെറ് സോണിൽ നിന്നുള്ള രോഗികൾക്കായി പുതുതായി തുടങ്ങിയ ചികിത്സാ കേന്ദ്രത്തിലാണ് സംഭവം. ഭാര്യക്കൊപ്പം ആശുപത്രിയിലെത്തിയ രോഗിയെ മനോരോഗവിദഗ്ധൻ പരിശോധിച്ച ശേഷം വാർഡിലേക്ക് മാറ്റുന്നതിനിടെയാണ് ഇയാൾ കടന്നത്. ആശുപത്രി സൂപ്രണ്ട് ഡോ. എം.എസ്. ഷർമദ് നൽകിയ പരാതിയെ തുടർന്ന് മെഡിക്കൽ കോളജ് പൊലീസ് നടത്തിയ അന്വേഷണത്തിൽ ഇയാളെ വീട്ടിൽ നിന്ന് കണ്ടെത്തുകയായിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story