അകത്തുമുറി ക്വാറ​ൻറീൻ സെ​ൻററിൽനിന്ന്​ വീണ്ടും പ്രതി ചാടിപ്പോയി

വർക്കല: അകത്തുമുറി ക്വാറ​ൻറീൻ സെ​ൻററിൽനിന്ന്​ വീണ്ടും പ്രതി ചാടിപ്പോയി. തിരുവനന്തപുരം ഫോർട്ട് പൊലീസ് അറസ്​റ്റു ചെയ്ത് കോടതി ഉത്തരവുപ്രകാരം ക്വാറ​ൻറീൻ സെ​ൻററിലയച്ച പ്രതി കാട്ടുമാക്കാൻ എന്ന വിഷ്ണുവാണ് ചാടിപ്പോയത്. അകത്തുമുറി എസ്.ആർ മെഡിക്കൽ കോളജ് ആശുപത്രി കെട്ടിടത്തിലെ രണ്ടാംനിലയിലെ ഒരു മുറിയിലായിരുന്നു വിഷ്ണുവിനെ പാർപ്പിച്ചിരുന്നത്. തിങ്കളാഴ്ച രാത്രി എട്ടരയോടെ മുറിയിലെ വെ​ൻറിലേറ്ററി​​ൻെറ ഗ്ലാസ് ഇളക്കിമാറ്റി പുറത്തെത്തിയ ഇയാൾ പൈപ്പ് ലൈനിലൂടെ തൂങ്ങിയാണ് താഴെയെത്തി മതിൽചാടി രക്ഷപ്പെട്ടതെന്നാണ് പൊലീസി​ൻെറ അനുമാനം. ഇക്കഴിഞ്ഞ എട്ടിനാണ് ഇയാളെ സെ​ൻററിലെത്തിച്ചത്.