തദ്ദേശ വോട്ടർ പട്ടിക: ഹിയറിങ്ങിന് ഓൺലൈൻ സൗകര്യം

തിരുവനന്തപുരം: കോവിഡ് വ്യാപന പശ്ചാത്തലത്തിൽ കണ്ടെയ്​ൻമൻെറ്​ സോണുകളിലെ വോട്ടർമാർക്ക് ഹിയറിങ്ങിന് ഓൺലൈൻ സൗകര്യം ഏർപ്പെടുത്തുന്നത് സംബന്ധിച്ച് ഇലക്ടറൽ രജിസ്​േട്രഷൻ ഓഫിസർമാർക്ക് നിർദേശം നൽകിയതായി സംസ്​ഥാന തെരഞ്ഞെടുപ്പ് കമീഷണർ വി. ഭാസ്​കരൻ അറിയിച്ചു. വോട്ടർ പട്ടികയിൽ പേര് ചേർക്കാനുള്ള ഹിയറിങ്ങിന് നേരിട്ട് ഹാജരാകാൻ കഴിയാത്ത സാഹചര്യത്തിൽ അപേക്ഷയുടെ പ്രിൻറൗട്ടിൽ ഒപ്പും ഫോട്ടോയും പതിച്ച് അവ സ്​കാൻ ചെയ്ത് ഇലക്ടറൽ രജിസ്​േട്രഷൻ ഓഫിസർമാർക്ക് ഇ-മെയിലായി അയക്കാം. ഓൺലൈൻ വഴിയോ മൊബൈൽ ഫോൺ വിഡിയോ കാൾ വഴിയോ ഹിയറിങ്​ നടത്താം. പ്രവാസികൾക്ക് പേര് ചേർക്കാൻ സമർപ്പിക്കുന്ന ഓൺലൈൻ അപേക്ഷയുടെ പ്രിൻറൗട്ടിൽ ഒപ്പും ഫോട്ടോയും പതിച്ച് പാസ്​പോർട്ടിൻെറ ബന്ധപ്പെട്ട പേജുകൾ സഹിതം സ്​കാൻ ചെയ്ത് അതത് ഇലക്ടറൽ രജിസ്​േട്രഷൻ ഓഫിസർമാർക്ക് ഇ-മെയിലായി അയക്കാം. വോട്ടർ പട്ടിക സംബന്ധിച്ച് ആക്ഷേപമുന്നയിക്കുന്നവർക്ക് ഓൺലൈൻ വഴിയോ മൊബൈൽ ഫോൺ വിഡിയോ കാൾ വഴിയോ ഹിയറിങ്​ നടത്താനുള്ള സാങ്കേതിക സൗകര്യം ഉപയോഗിക്കാം.