Begin typing your search above and press return to search.
exit_to_app
exit_to_app
Posted On
date_range 7 Aug 2020 11:58 PM GMT Updated On
date_range 7 Aug 2020 11:58 PM GMTഗണേശോത്സവം: ആഘോഷങ്ങൾ വെട്ടിച്ചുരുക്കും
text_fieldsbookmark_border
തിരുവനന്തപുരം: ഗണേശോത്സവ ട്രസ്റ്റ് കമ്മിറ്റിയുടെ ആഭിമുഖ്യത്തിൽ എല്ലാവർഷവും സംസ്ഥാന വ്യാപകമായി നടത്തിവരാറുള്ള ഗണേശോത്സവ ആഘോഷങ്ങൾ കോവിഡ് പശ്ചാത്തലത്തിൽ നിയന്ത്രണങ്ങൾ പാലിച്ച് ആചരിക്കാൻ തീരുമാനിച്ചിരിക്കുന്നതായി ഗണേശോത്സവ ട്രസ്റ്റ് കമ്മിറ്റി വാർത്തസമ്മേളനത്തിൽ അറിയിച്ചു. 10 ദിവസം നീളുന്ന ആഘോഷ പരിപാടികൾ വിനായക ചതുർഥിയോടനുബന്ധിച്ച് 3 ദിവസമായി വെട്ടിച്ചുരുക്കാൻ തീരുമാനിച്ചിട്ടുണ്ട്. വിഘ്ന നിവാരണത്തിനായി വീടുകളിൽ മുൻവർഷങ്ങളിലേതുപോലെ തന്നെ വിഗ്രഹപൂജ നടക്കും. പ്രാദേശികമായി പൂജ നടത്തുന്ന വിഗ്രഹങ്ങൾ 5 അടി വരെ വലിപ്പത്തിൽ ആക്കാനും ട്രസ്റ്റ് കമ്മിറ്റി പ്രാദേശിക ഘടകങ്ങൾക്ക് നിർദേശം നൽകിയിട്ടുണ്ട്. നേരത്തെ പൂജക്കായി 20ഉം 30ഉം അടി വലിപ്പമുള്ള വിഗ്രഹങ്ങളാണ് ഉപയോഗിച്ചിരുന്നത്. പണി പൂർത്തിയായിട്ടുണ്ടെങ്കിലും വലിയ വിഗ്രഹങ്ങൾ ഒഴിവാക്കും. എല്ലാവർഷവും നൂറുകണക്കിന് വിഗ്രഹങ്ങൾ അണിനിരത്തി നടത്തിവരാറുള്ള ഘോഷയാത്ര ഒഴിവാക്കാൻ തീരുമാനിച്ചിട്ടുള്ളതായും ട്രസ്റ്റ് ഭാരവാഹികൾ പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story