മുതലപ്പൊഴി അഴിമുഖത്ത് മത്സ്യബന്ധന ബോട്ടുകള്‍ മറിഞ്ഞ് രണ്ടുപേര്‍ക്ക് പരിക്ക്

ആറ്റിങ്ങൽ: ശക്തമായ കാറ്റിലും മഴയിലും . എട്ടുപേര്‍ അത്ഭുതകരമായി രക്ഷപ്പെട്ടു. അഞ്ചുതെങ്ങ് സ്വദേശിയായ വൈറ്റസ് (38), അമലദാസന്‍ (40) എന്നിവര്‍ക്കാണ് പരിക്കേറ്റത്. അഞ്ചുതെങ്ങ് സ്വദേശി കസ്മലി​ൻെറ ഉടമസ്ഥതയിലുളള ചമ്പാവ് എന്ന് ബോട്ടും അഞ്ചുതെങ്ങ് സ്വദേശിയായ അമലദാസി​ൻെറ ഉടമസ്ഥതയിലുളള തോണികടവ് എന്ന ബോട്ടുമാണ് അപകടത്തില്‍പെട്ടത്. അപകടത്തില്‍ ബോട്ടിലുണ്ടായിരുന്ന മീനും മത്സ്യബന്ധന ഉപകരണങ്ങളും നഷ്​ടപ്പെട്ടു. അപകടത്തിൽപെട്ട മത്സ്യത്തൊഴിലാളികള്‍ മറിഞ്ഞുകിടന്ന ബോട്ടില്‍ പിടിച്ചുകിടന്നാണ് രക്ഷപ്പെട്ടത്. ഇതിനിടെ സമീപത്ത് അപകടം കണ്ട് നിന്ന മത്സ്യത്തൊഴിലാളികള്‍ ബോട്ടുകള്‍ ഇറക്കി രക്ഷാപ്രവര്‍ത്തനം നടത്തി. ഗുരുതര പരിക്കേറ്റ വൈറ്റസിനെയും അമലദാസിനെയും ചിറയിന്‍കീഴ് താലൂക്ക് ആശുപത്രിയില്‍ പ്രവേശിപ്പിച്ചു.