റോഡ് നിർമാണം നിര്‍ത്തി വാഹന ഗതാഗതം അനുവദിക്കണം

ആറ്റിങ്ങല്‍: നഗരത്തിലെ റോഡ് നിർമാണം നിര്‍ത്തിവെച്ച്​ വണ്‍വേ സംവിധാനം മാറ്റണമെന്ന് കേരള വ്യാപാരി വ്യവസായി ഏകോപനസമിതി ആറ്റിങ്ങല്‍ യൂനിറ്റ് ആവശ്യപ്പെട്ടു. ഏഴ് മാസമായി വ്യാപാരികള്‍ പ്രതിസന്ധിയിലും കടക്കെണിയിലുമാണ്. അല്‍പമെങ്കിലും വ്യാപാരം പ്രതീക്ഷിക്കുന്നത് ഓണക്കാലത്താണ്. നഗരത്തിലെ റോഡ് നിർമാണം മഴ കാരണം ഇഴഞ്ഞുനീങ്ങുകയാണ്. റോഡ് നിർമാണവും വഴി തിരിച്ചുവിട്ടതുമെല്ലാം നിലവിലെ വ്യാപാരത്തെ ബാധിക്കുന്നുണ്ട്. ആഗസ്​റ്റ്​ 10 മുതല്‍ ഓണം വരെ റോഡ് നിർമാണം നിര്‍ത്തിവെച്ച് ദേശീയപാതയില്‍ ഇരുവശത്തേക്കും വാഹനഗതാഗതം അനുവദിക്കണമെന്ന് ഭാരവാഹികളായ ഇക്ബാല്‍ ഷേക്ക് ഉസ്മാന്‍, ബൈജുചന്ദ്രന്‍, അനില്‍കുമാര്‍ എന്നിവര്‍ ആവശ്യപ്പെട്ടു.