മൂന്ന്​ കോളജുകൾക്ക്​ സ്വയംഭരണ പദവി ലഭിച്ച സാഹചര്യം സർക്കാർ വ്യക്​തമാക്കണം -എസ്​.എഫ്​.​െഎ

തിരുവനന്തപുരം: സംസ്​ഥാനത്ത്​ മൂന്ന്​ സ്വാശ്രയ എൻജിനീയറിങ്​ കോളജുകൾക്ക്​ സ്വയംഭരണ പദവി ലഭിച്ച സാഹചര്യം സർക്കാർ വ്യക്​തമാക്കണമെന്ന്​ എസ്​.എഫ്​.​െഎ. കൂടുതൽ കോളജുകൾക്ക്​ സ്വയംഭരണ പദവി നൽകാനുള്ള നീക്കത്തോട്​ പൂർണ എതിർപ്പും പ്രതിഷേധവും രേഖപ്പെടുത്തുന്നതായും സംസ്​ഥാന പ്രസിഡൻറ്​ വി.എ. വിനീഷ്​, സെക്രട്ടറി കെ.എം. സച്ചിൻ ദേവ്​ എന്നിവർ അറിയിച്ചു. സ്വയംഭരണ കോളജുകൾ അനുവദിക്കുന്നതിൽ എസ്​.എഫ്​.​െഎയുടെ മുൻനിലപാടിൽ മാറ്റമില്ല. 2013ലെ യു.ജി.സി ഗൈഡ് ലൈൻ 2018ൽ ​െറഗുലേഷനായി മാറ്റിയതി​ൻെറ പശ്ചാത്തലത്തിലാണ് സംസ്ഥാന സർക്കാറുകൾക്കും സർവകലാശാലകൾക്കും നിയന്ത്രിക്കാനും ഇടപെടാനും സാധിക്കാത്ത വിധത്തിൽ യു.ജി.സി നേരിട്ട് സ്വയംഭരണ പദവി നൽകുന്ന സ്ഥിതി രൂപപ്പെട്ടുവന്നത്. സർക്കാർ നിലപാട് വ്യക്തമാക്കണമെന്നും സ്വയംഭരണ കോളജുകൾ അനുവദിക്കുന്ന നടപടി ഏത് ഭാഗത്ത് നിന്നുണ്ടായാലും ശക്തമായി എതിർക്കുമെന്നും ഭാരവാഹികൾ അറിയിച്ചു.