കാര്യവട്ടം എൻജി. കോളജ്​ കോൺസ്​റ്റിറ്റുവൻറ്​ കോളജാക്കും

തിരുവനന്തപുരം: കേരള സർവകലാശാലക്കുകീഴിൽ സ്വാശ്രയാടിസ്​ഥാനത്തിൽ കാര്യവട്ടത്ത്​ പ്രവർത്തിക്കുന്ന യൂനിവേഴ്​സിറ്റി കോളജ്​ ഒാഫ്​ എൻജിനീയറിങ്​ കോൺസ്​റ്റിറ്റുവൻറ്​ കോളജാക്കാൻ ശിപാർശ. ബി.ടെക്കിനു​​ പുറമെ ത്രിവത്സര ​ഒാണേഴ്​സ്​ കോഴ്​സുകളും എം.എസ്​ കോഴ്​സുകളും ആരംഭിക്കും. റോബോ​ട്ടിക്​സ്​, ആർട്ടിഫിഷ്യൽ ഇൻറലിജൻസ്​, സോഫ്​റ്റ്​വെയർ എൻജിനീയറിങ്​ എന്നിവയിൽ ബി.എസ്​സി ഒാണേഴ്​സും ഡാറ്റ അനലിറ്റിക്​സ്​, മെഷീൻ ലേണിങ്​, എൻറർപ്രണർഷിപ്​​ എന്നിവയിൽ എം.എസ്​ കോഴ്​സുമാണ്​ തുടങ്ങുക. യു.ജി.സിയുടെ അംഗീകാരത്തിന്​ വിധേയമായാകും ഇത്​. സർവകലാശാലയിൽ എം.എ വിമൻസ്​ സ്​റ്റഡീസ്​, എം.എസ്​സി കമ്പ്യൂട്ടർ സയൻസ്​ (ആർട്ടിഫിഷ്യൽ ഇൻറലിജൻസ്​), ​െകമിസ്​ട്രി (റേഡിയോ ഫാർമസ്യൂട്ടിക്കൽ കെമിസ്​ട്രി), ​ൈക്ലമറ്റ്​ ചെയ്​ഞ്ച്​ ആൻഡ്​​ ഡിസാസ്​റ്റർ മാനേജ്​മൻെറ്​, ഫോറൻസിക്​ സയൻസ്​, മാസ്​റ്റർ ഒാഫ്​ ഡിസൈൻ, എം.എഡ്​ (എജുക്കേഷനൽ ടെക്​നോളജി) തുടങ്ങിയ പി.ജി കോഴ്​സുകളും ശിപാർശ ചെയ്​തിട്ടുണ്ട്​. ഇൻറർനാഷനൽ ഫിനാൻസ്​, കണ്ടൻറ്​ റൈറ്റിങ്​, വൈറൽ ഇൻഫർമാറ്റിക്​സ്​, സൈബർ ലോ, റഷ്യൻ ഫോർ കമ്യൂണിക്കേഷൻ, ജർമൻ ​ഫോർ കമ്യൂണിക്കേഷൻ, പ്രാഫഷനൽ ട്രാൻസ്​ലേഷൻ, വാട്ടർ റിസോഴ്​സ്​ മാനേജ്​​ൻെറ്​ തുടങ്ങിയവയിൽ പി.ജി ഡി​േപ്ലാമ കോഴ്​സിനും ശിപാർശയുണ്ട്​. ശിപാർശകളിൽ ചർച്ച പൂർത്തിയാക്കി സിൻഡിക്കേറ്റി​ൻെറ അംഗീകാരത്തോടെ നടപ്പാക്കുമെന്ന്​ വൈസ്​ ചാൻസലർ ഡോ. വി.പി. മഹ​ാദേവൻ പിള്ള, ​േപ്രാ-വൈസ്​ചാൻസലർ ഡോ. പി.പി. അജയകുമാർ, സിൻഡിക്കേറ്റംഗങ്ങൾ എന്നിവർ അറിയിച്ചു.