കന്യാകുമാരിയിൽ കോവിഡ് ബാധിതർ മൂവായിരം കടന്നു

blurbw കഴിഞ്ഞദിവസം അഞ്ചുമരണം നാഗർകോവിൽ: കന്യാകുമാരി ജില്ലയിൽ കോവിഡ് ബാധിതരുടെ എണ്ണം പ്രാദേശികതലത്തിൽ ലഭ്യമാകുന്ന കണക്കനുസരിച്ച് മൂവായിരം കഴിഞ്ഞു. വ്യാഴാഴ്ചത്തെ കണക്കനുസരിച്ച് ആകെ രോഗികൾ 3125 ആണ്​. കഴിഞ്ഞ ഒരുദിവസം മാത്രം അഞ്ചുപേർ മരിച്ചു. ഇതോടെ ജില്ലയിലെ ആകെ മരണം 27 ആയി. ഇതിൽ രണ്ടുപേർ സ്വകാര്യ ആശുപത്രിയിലും മറ്റുള്ളവർ മെഡിക്കൽ കോളജ് ആശു​പത്രിയിലുമാണ് ഉണ്ടായത്. ഇരണിയൽ, മുട്ടം, ദേവികോട്, കോട്ടാർ, മാർത്താണ്ഡം എന്നിവിടങ്ങളിലുള്ളവരാണ് മരിച്ചത്. ഇതുവരെ ആറ്് ഡോക്ടർമാർക്ക് രോഗം സ്​ഥിരീകരിച്ചുകഴിഞ്ഞു. ഒരു എ.എസ്​.പി ഉൾപ്പെടെ നിരവധി പൊലീസുകാർക്കും രോഗം ബാധിച്ചു. അതുപോലെ മാധ്യമപ്രവർത്തകർ, സബ് ജയിലിലെ 18 അന്തേവാസികൾ, കലക്ടർ ഓഫിസ്​ ജീവനക്കാർ എന്നുതുടങ്ങി എല്ലാ വിഭാഗങ്ങളിലും രോഗം പടർന്നുപിടിക്കുന്ന സ്​ഥിതിയാണ് ജില്ലയിൽ കണ്ടുവരുന്നത്.