Begin typing your search above and press return to search.
exit_to_app
exit_to_app
Posted On
date_range 20 July 2020 11:58 PM GMT Updated On
date_range 20 July 2020 11:58 PM GMTവീടുകയറി ആക്രമണം; പ്രതി പിടിയിൽ
text_fieldsbookmark_border
ബാലരാമപുരം: വീടുകയറി ആക്രമണം; പ്രതി പിടിയിൽ. മുൻ വൈരാഗ്യത്തിൻെറ പേരിൽ പിതാവിനെയും മകനെയും വീടുകയറി ആക്രമിച്ച് ഗുരുതരമായി പരിക്കേൽപിച്ച സംഭവത്തിൽ വെങ്ങാനൂർ മോഡൽ ഹയർസെക്കൻഡറി സ്കൂളിന് സമീപം രാജരാജീവ് സദനത്തിൽ ഉമ്മാച്ചു എന്ന രാജീവ് ശേഖറിനെ (31) അറസ്റ്റുചെയ്തു. വെങ്ങാനൂർ ചാവടിനട ആറുകാൽ വീട്ടിൽ വിജയകുമാർ (65), അനീഷ് (36) എന്നിവർക്കാണ് പരിക്കേറ്റത്. ഇരുവരും മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. കഴിഞ്ഞ 12ന് രാത്രിയിലാണ് സംഭവം. നിരവധി കേസുകളിൽ പ്രതിയായ ഇയാൾ ജയിലിൽ കിടക്കുമ്പോൾ സന്ദർശിച്ചില്ലെന്നുള്ള വിരോധത്തിലും കേസിൽനിന്ന് രക്ഷപ്പെടുത്താൻ ശ്രമിച്ചില്ലെന്നും ആരോപിച്ചാണ് ആക്രമണമെന്ന് പൊലീസ് പറയുന്നു. കമ്പിപ്പാരയും മറ്റുമായി വീട്ടിൽ കയറിയ സംഘം മക്കളുടെയും ഭാര്യയുടെയും മുന്നിൽെവച്ച് ആദ്യം അച്ഛൻ വിജയകുമാറിനെ ആക്രമിക്കുകയായിരുന്നു. ഇത് തടുക്കുന്നതിനിടെയാണ് മകൻ അനീഷിനെ സംഘം ആക്രമിച്ചത്. ഇരുവർക്കും തലയിലും കൈയിലും സാരമായി പരിക്കേറ്റിട്ടുണ്ട്. ആറാലുംമൂട് പാലയ്ക്കാപറമ്പ് സുബ്രഹ്മണ്യക്ഷേത്രത്തിന് സമീപത്തുനിന്ന് പൊലീസ് ഇൻസ്പെക്ടർ ജി. ബിനുവിൻെറ നേതൃത്വത്തിൽ എസ്.ഐമാരായ എസ്. വിനോദ്കുമാർ, തങ്കരാജ്, േഗ്രഡ് എസ്.ഐ ഭുവനചന്ദ്രൻ, പൊലീസുകരായ അനിൽകുമാർ, ബിജു എന്നിവർ ചേർന്ന് പ്രതിയെ അറസ്റ്റ് ചെയ്തു. മറ്റ് പ്രതികൾക്കുവേണ്ടിയുള്ള അന്വേഷണം പൊലീസ് ഉൗർജിതമാക്കി. WhatsApp Image 2020-07-20 at 3.40.43 PM
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story