Begin typing your search above and press return to search.
exit_to_app
exit_to_app
Posted On
date_range 19 July 2020 11:58 PM GMT Updated On
date_range 19 July 2020 11:58 PM GMTകടല്ക്കൊല: നാവികരെ എൻ.െഎ.എ കോടതിക്ക് വിടണമെന്ന് ^ഉമ്മന് ചാണ്ടി
text_fieldsbookmark_border
കടല്ക്കൊല: നാവികരെ എൻ.െഎ.എ കോടതിക്ക് വിടണമെന്ന് -ഉമ്മന് ചാണ്ടി തിരുവനന്തപുരം: കടല്ക്കൊലക്കേസില് എൻ.െഎ.എ നടത്തുന്ന അന്വേഷണം അവസാനിപ്പിക്കാന് കേന്ദ്രസര്ക്കാര് സുപ്രീംകോടതിയില് നൽകിയ അപേക്ഷയെ എതിര്ക്കണമെന്നാവശ്യപ്പെട്ട് മുന് മുഖ്യമന്ത്രി ഉമ്മന് ചാണ്ടി മുഖ്യമന്ത്രിക്ക് കത്തയച്ചു. മത്സ്യത്തൊഴിലാളികളെ വെടിെവച്ചുകൊന്ന കേസില് പ്രതികളായ ഇറ്റാലിയന് നാവികര് എൻ.െഎ.എ കോടതിയില് വിചാരണ നേരിടാനുള്ള അടിയന്തര നടപടി സ്വീകരിക്കണം. എൻ.െഎ.എ കോടതിയില് നാവികര് വിചാരണ നേരിടണമെന്നും കടല്ക്കൊലക്കേസില് എല്ലാ നിയമവിരുദ്ധ നടപടികള്ക്കുമെതിരേ കേസെടുക്കാന് ഇന്ത്യക്ക് അധികാരമുണ്ടെന്നുമാണ് നേരത്തെ സുപ്രീംകോടതി വിധിച്ചത്. എന്നാല് പ്രതികള് ഇറ്റാലിയന് നാവികസേനയുടെ ഭാഗമാണെന്നും അവരെ ഇറ്റാലിയന് സര്ക്കാറാണ് കപ്പലിൻെറ സുരക്ഷക്ക് നിയോഗിച്ചതെന്നും അതിനാല് അവരെ ഇന്ത്യയില് വിചാരണ ചെയ്യാന് പാടില്ലെന്നുമാണ് ട്രൈബ്യൂണലിൻെറ വിധി. ഇത് അംഗീകരിച്ചാണ് കടല്ക്കൊലയുമായി ബന്ധപ്പെട്ട കേസുകള് അവസാനിപ്പിക്കാന് കേന്ദ്രം തീരുമാനിച്ചതെന്ന് ഉമ്മന് ചാണ്ടി ചൂണ്ടിക്കാട്ടി. കേരളത്തിൻെറ അഭിപ്രായം ആരായാതെയാണ് കേന്ദ്രം ധൃതിപിടിച്ച് കേസ് അവസാനിപ്പിക്കാന് അപേക്ഷ നൽകിയത്. കേന്ദ്ര സര്ക്കാര് സുപ്രീംകോടതിയെ സമീപിച്ച് കേസുകള് അവസാനിപ്പിക്കാന് ധൃതിപിടിച്ച് അപേക്ഷ നൽകിയതിലും ദുരൂഹതയുണ്ടെന്ന് ഉമ്മന് ചാണ്ടി ആരോപിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story