പട്ടയ വിതരണം

(ചിത്രം) പത്തനാപുരം: താലൂക്കിൽ വിവിധ പഞ്ചായത്തുകളിലെ 21 കുടുംബങ്ങൾക്ക് കൈവശഭൂമി പട്ടയം വിതരണംചെയ്തു. പത്തനാപുരം, പട്ടാഴി, പട്ടാഴി വടക്കേക്കര പഞ്ചായത്തുകളിലെ കുടുംബങ്ങള്‍ക്കാണ് പട്ടയം നല്‍കിയത്. കെ.ബി. ഗണേഷ്കുമാർ എം.എൽ.എ പട്ടയം വിതരണം ചെയ്തു. ജില്ല പഞ്ചായത്ത് വൈസ് പ്രസിഡൻറ് എസ്. വേണുഗോപാൽ അധ്യക്ഷത വഹിച്ചു. പത്തനാപുരം ബ്ലോക്ക് പഞ്ചായത്ത് പ്രസിഡൻറ് കെ.ബി. സജീവ്, പഞ്ചായത്ത് പ്രസിഡൻറുമാരായ എച്ച്. നജീബ് മുഹമ്മദ്, എസ്. രാകേഷ്, ആർ. ആനന്ദരാജൻ, പത്തനാപുരം തഹസിൽദാർ കെ.എസ്. നസിയ, ​െഡപ്യൂട്ടി തഹസിൽദാർ സി.ജി.എൽ. ഷിലിൻ എന്നിവർ സംസാരിച്ചു. വെളിയത്ത് ഫസ്​റ്റ്​ലൈൻ ട്രീറ്റ്മൻെറ് സൻെറർ വൃത്തിയാക്കി (ചിത്രം) വെളിയം: വെളിയം പഞ്ചായത്ത് ഫസ്​റ്റ്​ലൈൻ ട്രീറ്റ്‌മൻെറ് സൻെററായ ഓടനാവട്ടം എ.കെ.എസ് ഓഡിറ്റോറിയം പഞ്ചായത്ത് പ്രസിഡൻറ് ഷൈല സലിംലാലിൻെറ നേതൃത്വത്തിൽ ശുചീകരിച്ചു. നിലവിൽ വെളിയം പഞ്ചായത്ത് ക​െണ്ടയ്ൻമൻെറ് സോണിലാണ്. കഴിഞ്ഞ ചൊവ്വാഴ്ച പഞ്ചായത്തിലെ രണ്ടുപേർക്ക് കോവിഡ് സ്ഥിരീകരിച്ചിരുന്നു. കശുവണ്ടി ഫാക്ടറി അടപ്പിച്ചു വെളിയം: റെഡ് കളർ കോഡഡ് സോണായി പ്രഖ്യാപിച്ച വെളിയം പഞ്ചായത്തിൽ തുറന്നുപ്രവർത്തിച്ച കശുവണ്ടി ഫാക്ടറി പൊലീസ് അടപ്പിച്ചു. വെളിയം കായില സ്കൂളിന്​ സമീപം പ്രവർത്തിക്കുന്ന ഫാക്ടറിയാണ് അടപ്പിച്ചത്. മൂന്നുപേരിൽ കൂടുതൽ കൂട്ടംകൂടരുതെന്ന ഉത്തരവ് നിലവിലുള്ളപ്പോഴാണ് ഫാക്ടറി തുറന്നത്. മാനദണ്ഡങ്ങൾ ലംഘിച്ച ഫാക്ടറിക്കെതിരെ കേസെടുക്കുമെന്ന് സി.ഐ വിനോദ്ചന്ദ്രൻ പറഞ്ഞു. കോവിഡ് രോഗം സ്ഥിരീകരിച്ച രണ്ടുപേർ നിരവധി ആളുകളുമായി സമ്പർക്കം പുലർത്തിയ പശ്ചാത്തലത്തിലാണ് പഞ്ചായത്ത് ഇവിടം റെഡ്സോസോണായി പ്രഖ്യാപിച്ചത്. കുടിക്കോട്, കലയം ഭാഗങ്ങളിൽ കോഡ് സ്ഥിരീകരിച്ചവർ നിരവധി പേരുമായി സമ്പർക്കം ഉണ്ടായതിനാൽ കരീപ്ര പഞ്ചായത്ത് പൂർണമായും അടച്ചിരിക്കുകയാണ്.