ബാലപീഡകരെ സംരക്ഷിക്കുന്ന ഇടത് സര്‍ക്കാറിനെതിരെ സമരഭവനം

തിരുവനന്തപുരം: ബാലപീഡകരെ സംരക്ഷിക്കുന്ന ഇടത് സര്‍ക്കാറിനെതിരെ ഞായറാഴ്​ച സമരഭവനം എന്ന പേരില്‍ പ്രതിഷേധം സംഘടിപ്പിക്കുമെന്ന് എസ്.ഡി.പി.ഐ സംസ്ഥാന ജനറല്‍ സെക്രട്ടറി പി. അബ്​ദുല്‍ ഹമീദ്. പാലത്തായി കേസ് പ്രതി പത്മരാജന്‍, കുട്ടിയെ മറ്റൊരാള്‍ക്ക് കൈമാറി എന്ന പരാതിയില്‍ കേസെടുക്കുക, പോക്‌സോ ചുമത്തി അനുബന്ധ കുറ്റപത്രം ഉടന്‍ സമര്‍പ്പിക്കുക, പോക്‌സോ ചുമത്താതെ പ്രതിയെ സഹായിച്ച പൊലീസുകാര്‍ക്കെതിരെ നടപടിയെടുക്കുക തുടങ്ങിയ ആവശ്യങ്ങളുന്നയിച്ചാണ് സമരഭവനം. രാവിലെ 10.30ന് കുടുംബാംഗങ്ങള്‍ ഒന്നടങ്കം പ്രതിഷേധത്തില്‍ പങ്കാളികളാകും.