Begin typing your search above and press return to search.
exit_to_app
exit_to_app
Posted On
date_range 17 July 2020 11:58 PM GMT Updated On
date_range 17 July 2020 11:58 PM GMTഎം.ടി.എം പൊളിച്ച് പണം കവരാൻ ശ്രമം: മോഷ്ടാവ് പിടിയിൽ
text_fieldsbookmark_border
തിരുവനന്തപുരം: നഗരമധ്യത്തിൽ എം.ടി.എം പൊളിച്ച് പണം കവരാൻ ശ്രമിച്ചയാളെ പൊലീസ് പിടികൂടി. മുടവൻമുകൾ സ്വദേശി സമ്പത്ത് കുമാറിനെയാണ് (45) ബുദ്ധിപരമായ നീക്കത്തിലൂടെ വെള്ളിയാഴ്ച രാത്രിയോെട ഫോർട്ട് പൊലീസ് അറസ്റ്റ് ചെയ്തത്. ചോദ്യംചെയ്യലിൽ ദിവസങ്ങൾക്ക് മുമ്പ് പേട്ട ഭാഗത്തെ എ.ടി.എം തകർക്കാൻ ശ്രമിച്ചതും താനാണെന്ന് ഇയാൾ പൊലീസിനോട് സമ്മതിച്ചിട്ടുണ്ട്. വ്യാഴാഴ്ച പുലർച്ചെ 2.30ഓടെയാണ് ചാല ചൂരക്കാട്ട് പാളയം ബിവറേജ്സ് ഔട്ട്ലൈറ്റിന് സമീപമുള്ള കാനറ ബാങ്ക് എ.ടി.എം സമ്പത്ത്കുമാർ കട്ടർ ഉപയോഗിച്ച് പൊളിക്കാൻ ശ്രമിച്ചത്. എന്നാൽ കട്ടറിൽ നിന്നുള്ള നിന്നുള്ള തീപ്പൊരി സമീപത്തെ കെട്ടിടത്തിൽ ഉണ്ടായിരുന്നവരുടെ ശ്രദ്ധയിൽപെട്ടതിനെ തുടർന്ന് നാട്ടുകാർ വന്നു. ഉടനെ അയാൾ രക്ഷപ്പെട്ടു. പൊലീസ് പരിശോധനയിൽ എ.ടി.എം കൗണ്ടറിലെ സി.സി.ടി.വി കാമറ പ്രവർത്തിക്കുന്നില്ലെന്ന് കണ്ടെത്തി. മാസ്ക് ധരിച്ചിരുന്നതിനാൽ മെഷീനിലുള്ള കാമറയിൽ ഇയാളുടെ മുഖം വ്യക്തമായിരുന്നില്ല. കൈയുറ ധരിച്ചിരുന്നതിനാൽ വിരലടയാളവും ലഭിച്ചിരുന്നില്ല. നഗരത്തിലെ സി.സി.ടി.വി കാമറകളിലും ഇയാളുെട മുഖമോ വാഹന നമ്പറോ വ്യക്തമായിരുന്നില്ല. എന്നാൽ, കട്ടറിനെ ചുറ്റിപ്പറ്റിയുള്ള അന്വേഷണത്തിലാണ് സമ്പത്തിലേക്ക് പൊലീസ് എത്തിയത്. ഇയാൾക്ക് മറ്റ് ക്രിമിനൽ പശ്ചാത്തലമില്ലെന്ന് പൊലീസ് അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story