റോഡരികിൽ കാട്; യാത്രക്കാർക്ക് പേടി

(ചിത്രം) അഞ്ചൽ: പനച്ചവിള-തടിക്കാട് റോഡിൽ കരുനാമ്പ്ര ജങ്ഷനിൽ റോഡിലേക്ക് വളർന്നുകിടക്കുന്ന കാട് നാട്ടുകാർക്കും യാത്രക്കാർക്കും ഭീഷണിയായി. ടാറിങ്ങിനോട് ചേർന്ന് ആറടിയോളം ഉയരത്തിലാണ് കാട് വളർന്നത്. ഇതിനോട് ചേർന്ന രണ്ടേക്കറോളം വരുന്ന പുരയിടത്തിലും വർഷങ്ങളായി കാട് വളർന്ന് കിടക്കുകയാണ്. പുരയിടത്തിലും റോഡരികിലുമുള്ള കുറ്റിക്കാട് ഇഴജന്തുക്കളുടേയും തെരുവ് നായ്ക്കളുടേയും വിഹാരകേന്ദ്രമായി മാറി. ഗതാഗതത്തിരക്കുള്ള റോഡിൽ വാഹനങ്ങൾക്ക് സൈഡ് നൽകുന്നതിനും ഏറെ ബുദ്ധിമുട്ടാണ്. പഞ്ചായത്ത് അധികൃതർക്ക് പരാതി നൽകിയിട്ടും നടപടിയുണ്ടാകുന്നില്ലെന്നും നാട്ടുകാർ പറയുന്നു. ബാലികയെ പീഡിപ്പിച്ചയാൾ​​ അറസ്​റ്റിൽ (ചിത്രം) കടയ്ക്കൽ: ഒമ്പതാം ക്ലാസ് വിദ്യാർഥിനിയെ പീഡിപ്പിച്ച കേസിൽ ഡ്രൈവർ അറസ്​റ്റിൽ. തൊളിക്കുഴി മുള്ളംകുഴി താജുന്നിസ മൻസിലിൽ അബുവാണ്​ (36) അറസ്​റ്റിലായത്. കൊല്ലത്തുള്ള സുഹൃത്തി​ൻെറ വീട്ടിൽ ​െവച്ച് പീഡനത്തിനിരയാക്കുകയായിരുന്നെന്ന് ​െപാലീസ് പറഞ്ഞു. ഇയാൾ വിവാഹിതനും ഒരു കുട്ടിയുടെ പിതാവുമാണ്. കേസിൽ ഒളിവിലായിരുന്ന ഇയാളെ കാട്ടാക്കടയിൽ നിന്ന്​ പുനലൂർ ഡിവൈ.എസ്.പി യുടെ സ്ക്വാഡ് അം​ഗങ്ങളായ വിനോദ്, ദീപക് എന്നിവർ ചേർന്നാണ്​ പിടികൂടിയത്.