പാറശ്ശാലയിൽ അവലോകനയോഗം ചേര്‍ന്നു

വെള്ളറട: പാറശ്ശാല നിയോജകമണ്ഡലത്തി​ൻെറ അതിര്‍ത്തിപ്രദേശങ്ങളില്‍ കോവിഡ് വ്യാപിക്കുന്ന സാഹചര്യത്തില്‍ പാറശ്ശാല എം.എൽ.എ സി.കെ. ഹരീന്ദ്ര​ൻെറ നേതൃത്വത്തില്‍ അവലോകനയോഗം ചേര്‍ന്നു. വെള്ളറട ഗ്രാമപഞ്ചായത്തിലും കുന്നത്തുകാല്‍ ഗ്രാമപഞ്ചായത്തിലുമാണ് യോഗം ചേര്‍ന്നത്. ആരോഗ്യപ്രവര്‍ത്തകര്‍, ​െപാലീസ്, ജനപ്രതിനിധികള്‍, വ്യാപാരസംഘടനാ ഭാരവാഹികള്‍, മാധ്യമപ്രവര്‍ത്തകര്‍ തുടങ്ങിയവര്‍ യോഗത്തില്‍ പങ്കെടുത്തു. പാറശ്ശാലയിലും പരിസരപ്രദേശത്തും കോവിഡ് വ്യാപന സാധ്യത കൂടുതലാകുന്ന സാഹചര്യത്തിലാണ് യോഗം ചേര്‍ന്നത്. വെള്ളറട പഞ്ചായത്തില്‍ കച്ചവടസ്ഥാപനങ്ങള്‍ക്ക് രാവിലെ 7 മുതല്‍ ഉച്ചക്ക് 2 വരെയും കുന്നത്തുകാല്‍ ഗ്രാമപഞ്ചായത്തില്‍ അവശ്യ സാധന സ്ഥാപനങ്ങള്‍ മാത്രം രാവിലെ 7 മുതല്‍ 2 മണിവരെയുമാണ് പ്രവർത്തനം. വാഹനസര്‍വിസുകള്‍ 7 മുതല്‍ 5 വരെയും മാത്രമാക്കി. ആ​ൻറിജന്‍ പരിശോധനക്കുള്ള മൂന്ന്​ കേന്ദ്രങ്ങള്‍ വീതം വെള്ളറടയിലും കുന്നത്തുകാലിലും തിങ്കളാഴ്ച മുതല്‍ ആരംഭിക്കുമെന്ന​്​ എം.എൽ.എ പറഞ്ഞു. കഴിഞ്ഞദിവസം കളക്ടര്‍ പാറശ്ശാല പഞ്ചായത്തിലെ എല്ലാ വാര്‍ഡുകളും ക​െണ്ടയ്​ന്‍മെ​ൻറ് സോണായി പ്രഖ്യാപിച്ചിരുന്നു. അതേസമയം, കുന്നത്തുകാല്‍ ഗ്രാമപഞ്ചായത്തില്‍ കുറുവാട് മേഖലയില്‍ കോവിഡ് ബാധിതനായ 71 കാര​ൻെറ സമ്പര്‍ക്കപ്പട്ടികയില്‍ എട്ട്​ പേര്‍ക്ക് കൂടി രോഗം സ്ഥിരീകരിച്ചു. ഇവരെ തിരുവനന്തപുരം മെഡിക്കല്‍ കോളജിലേക്ക് മാറ്റി. കുന്നത്തുകാല്‍ ഗ്രാമപഞ്ചായത്ത് ക​െണ്ടയ്​ന്‍മെ​ൻറ് സോണാക്കണമെന്ന് ആവശ്യപ്പെട്ട്​ പഞ്ചായത്ത് അധികൃതര്‍ കലക്ടര്‍ക്ക് അപേക്ഷ നല്‍കിയിട്ടുണ്ട്. ഡിവൈ.എസ്​.പി അനില്‍കുമാര്‍, സര്‍ക്കിള്‍ ഇൻസ്​പെക്ടര്‍ ശ്രീകുമാര്‍, സബ് ഇന്‍സ്പക്ടര്‍ സതീഷ്‌ശേഖര്‍, ഹെല്‍ത്ത് ജീവനക്കാന്‍, പഞ്ചായത്ത് സെക്രട്ടറി, ജനപ്രതിനിതികള്‍, രാഷ്​ട്രീയ നേതാക്കള്‍, വ്യാപാരി വ്യവസായി ഏകോപനസമതി നേതാക്കള്‍ അടക്കം നിരവധിപേര്‍ യോഗത്തില്‍ പങ്കെടുത്തു. ചിത്രം. ഡിവൈ.എസ്​.പി അനില്‍കുമാര്‍ സംസാരിക്കുന്നു2. സി.കെ. ഹരീന്ദ്രന്‍ എം.എൽ.എ സംസാരിക്കുന്നു dysp anilkumar samsarekunu ck harendhran mla samsarekunu