സെക്രട്ടേറിയറ്റിലെ അവശ്യജീവനക്കാരുടെ യാത്ര തടയരുതെന്ന്​ നിർദേശം

തിരുവനന്തപുരം: നഗരത്തിൽ ട്രിപ്ൾ ലോക്ഡൗൺ പ്രഖ്യാപിച്ചെങ്കിലും അവശ്യസേവന വിഭാഗങ്ങളുടെ പ്രവർത്തനത്തിന് സെക്ര​േട്ടറിയറ്റിലേക്ക് എത്തുന്ന ജീവനക്കാരെ വഴിയിൽ തടയാതിരിക്കാനും സെക്രട്ടേറിയറ്റിൽ പ്രവേശനത്തിനും ക്രമീകരണം ഒരുക്കണമെന്ന് നിർദേശിച്ച് ചീഫ് സെകട്ടറി ഡോ. വിശ്വാസ് മേത്ത സംസ്ഥാന പൊലീസ് മേധാവി ലോക്‌നാഥ് ബെഹ്റക്ക്​ കത്ത് നൽകി. ട്രിപ്ൾ ലോക്ഡൗൺ പ്രഖ്യാപിച്ചെങ്കിലും കോവിഡ് പ്രതിരോധത്തി​ൻെറ ഭാഗമായി ചീഫ് സെകട്ടറി, ആഭ്യന്തര സെക്രട്ടറി, നോർക്ക സെക്രട്ടറി, ആരോഗ്യ സെക്രട്ടറി ഉൾപ്പെടെ പ്രധാനപ്പെട്ട സെക്രട്ടറിമാരുടെ ഓഫിസ് പ്രവർത്തിക്കും. സെക്രട്ടേറിയറ്റിലെ വാർ റൂം, കാൻറീൻ എന്നിവയും ചുരുങ്ങിയ ജീവനക്കാരെ ഉപയോഗിച്ച് പ്രവർത്തിക്കും. തിരിച്ചറിയൽ കാർഡുമായി വരുന്ന ഇത്തരം ജീവനക്കാരുടെ യാത്രയും സെക്രട്ടേറിയറ്റിലേക്കുള്ള പ്രവേശനവും തടയരുതെന്ന്​ ചീഫ് സെക്രട്ടറി നിർദേശിച്ചു.