ട്രിപ്​ള്‍ ലോക്ഡൗണ്‍ ജനങ്ങളെ ബുദ്ധിമുട്ടിലാക്കി ^ചെന്നിത്തല

ട്രിപ്​ള്‍ ലോക്ഡൗണ്‍ ജനങ്ങളെ ബുദ്ധിമുട്ടിലാക്കി -ചെന്നിത്തല തിരുവനന്തപുരം: മുന്നൊരുക്കമില്ലാതെ പ്രഖ്യാപിച്ച ട്രിപ്​ള്‍ ലോക്ഡൗണ്‍ ജനങ്ങളെ ബുദ്ധിമുട്ടിലാക്കിയതായി പ്രതിപക്ഷനേതാവ് രമേശ് ചെന്നിത്തല. രോഗപ്രതിരോധത്തിനായി നാടാകെ ഒരുമിച്ചു പ്രവര്‍ത്തിക്കണം. മൂക്കിനു താഴെയുള്ള കാര്യങ്ങള്‍ പോലും ഭദ്രമാണെന്ന് ഉറപ്പുവരുത്താന്‍ സര്‍ക്കാറിന്​ കഴിയില്ലെന്നതു കൂടിയാണ് ഇതു വ്യക്തമാക്കുന്നത്. ഞായറാഴ്ച ദിവസം രാത്രി ഉള്ള കടകള്‍ അടച്ചുപോയതിനുശേഷം പൊടുന്നനെ ലോക്ഡൗണ്‍ പ്രഖ്യാപിച്ചത് ജനങ്ങള്‍ക്കുണ്ടാക്കിയ അസൗകര്യങ്ങള്‍ ചെറുതല്ല. എങ്കിലും ഇക്കാര്യങ്ങള്‍ ചൂണ്ടിക്കാട്ടി രാഷ്​ട്രീയമായ ചേരിതിരിവും ഭിന്നതയും സൃഷ്​ടിക്കേണ്ട സാഹചര്യമാണ് ഇതെന്ന്​ പ്രതിപക്ഷം കരുതുന്നില്ലെന്നും അദ്ദേഹം പറഞ്ഞു.