അവധി: എറണാകുളം കലക്ടറോട്​ വിശദീകരണം തേടിയെന്ന്​ ബാലാവകാശ കമീഷൻ

തിരുവനന്തപുരം: എറണാകുളത്ത് വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിക്കാൻ വൈകിയ സംഭവത്തില്‍ കലക്ടർ രേണുരാജിനോട്​ വിശദീകരണം തേടിയെന്ന്​ ബാലാവകാശ കമീഷൻ ചെയർമാൻ കെ.വി. മനോജ്​കുമാർ പറഞ്ഞു. ഇതുസംബന്ധിച്ച പരാതി ലഭിച്ചതിന്‍റെ അടിസ്ഥാനത്തിലാണ്​ വിശദീകരണം തേടിയത്​. ഭൂരിഭാഗം സ്കൂളുകളും പ്രവർത്തിച്ച് തുടങ്ങിയതിന് പിന്നാലെ അവധി നൽകിയ തീരുമാനത്തിന് എതിരെ രക്ഷിതാക്കളടക്കമുള്ളവർ രംഗത്തെത്തുകയായിരുന്നു. ബാലാവകാശ കമീഷനിലെ വനിതജീവനക്കാർ നൽകിയ പരാതിയിൽ തുടർനടപടികൾ കൈക്കൊണ്ടതായും ചെയർമാൻ പറഞ്ഞു.