മികച്ച നഴ്​സിനുള്ള ടോംയാസ്​ പുരസ്​കാരം രേഷ്​മക്ക്​

തൃശൂർ: സംസ്ഥാനത്തെ മികച്ച നഴ്​സിനുള്ള 'ടോംയാസ്​' പുരസ്​കാരം കോട്ടയം മെഡിക്കൽ കോളജിലെ നഴ്​സ്​ രേഷ്​മ മോഹൻദാസിന്. മെഡിക്കൽ കോളജിൽ കോവിഡ്​ ചികിത്സയിൽ ഉണ്ടായിരുന്ന റാന്നി സ്വദേശികളായ തോമസ്​, മറിയാമ്മ എന്നീ വയോധിക ദമ്പതികളെ ശുശ്രൂഷിച്ച നഴ്​സാണ് രേഷ്​മ. ടോംയാസ്​ പരസ്യ ഏജൻസി ഉടമ തോമസ്​ പാവറട്ടിയുടെ അമ്മ ട്രീസയുടെ സ്​മരണക്ക്​ ഏർപ്പെടുത്തിയതാണ് ഒരു ലക്ഷം രൂപയുടെ പുരസ്​കാരം. ഒക്​ടോബർ രണ്ടിന്​ പേരാമംഗലം ടോംയാസ്​ ഗാർഡനിലെ ചടങ്ങിൽ സ്​റ്റാർ പ്ലാസ്​റ്റിക്​സ്​ ​സാരഥികളായ ബോബി പോളും ആൻറിയോ പോളും ചേർന്ന് അവാർഡ് സമ്മാനിക്കുമെന്ന് തോമസ്​ പാവറട്ടി അറിയിച്ചു. എറണാകുളം തിരുവാങ്കുളം സ്വദേശിയാണ് രേഷ്​മ. photo: tcg tomyas puraskar reshma രേഷ്​മ മോഹൻദാസ്​