കെ.എച്ച്.എസ്.ടി.യു പ്രക്ഷോഭത്തിലേക്ക്

തൃശൂർ: കോവിഡ് പശ്ചാത്തലത്തിൽ നടക്കുന്ന ഓൺലൈൻ അധ്യയനത്തിൽനിന്ന് സംസ്കൃതം, അറബി, ഉർദു തുടങ്ങിയ ഭാഷകളെയും മാനവിക വിഷയങ്ങളെയും ഒഴിവാക്കിയ നടപടിയിൽ പ്രതിഷേധിച്ച്​ കേരള ഹയർ സെക്കൻഡറി ടീച്ചേഴ്​സ് യൂനിയൻ പ്രക്ഷോഭത്തിലേക്ക്​. ഇതി​ൻെറ ആദ്യപടിയായി ജൂലൈ 16ന് ജില്ല കേന്ദ്രങ്ങളിൽ പ്രതിഷേധ സമരവും പ്രതീകാത്മക തെരുവ് ക്ലാസും സംഘടിപ്പിക്കാൻ സംസ്ഥാന സെക്രട്ടറിയറ്റ് യോഗം തീരുമാനിച്ചു. പ്രസിഡൻറ്​ കെ.ടി. അബ്​ദുൽ ലത്തീഫ് അധ്യക്ഷത വഹിച്ചു. ജനറൽ സെക്രട്ടറി സി.ടി.പി. ഉണ്ണിമൊയ്തീൻ സ്വാഗതം പറഞ്ഞു. ഒ. ഷൗക്കത്തലി, വി.കെ. അബ്​ദുറഹിമാൻ, വിളക്കോട്ടൂർ മുഹമ്മദലി, നുഹ്മാൻ ഷിബിലി, ഷമീം അഹമ്മദ്, അജീബ്, എം.എ. സലാം, മുഹമ്മദ് ജാസിം, സാബു, മുഹമ്മദ് അഷ്റഫ്, ഷമീർ, ഫിറോസ് ഖാൻ, ജലീൽ പാണക്കാടൻ, സന്തോഷ് കുമാർ, ഷാജിത എന്നിവർ സംസാരിച്ചു.