കുടിവെള്ളം കിട്ടാക്കനി; പ​ത്ത​നം​തി​ട്ട ന​ഗ​ര​സ​ഭ​യി​ൽ 22ഒാ​ളം വാ​ർ​ഡു​ക​ളി​ൽ ക​ടു​ത്ത കു​ടി​വെ​ള്ള​ക്ഷാ​മം

പ​ത്ത​നം​തി​ട്ട: ജി​ല്ല ആ​സ്ഥാ​ന​മാ​യ പ​ത്ത​നം​തി​ട്ട ന​ഗ​ര​സ​ഭ​യി​ൽ കു​ടി​വെ​ള്ളം കി​ട്ടാ​ക്ക​നി​യാ​യി മാ​റു​ന്നു. വേ​ന​ൽ​ക്കാ​ല​മാ​യി​ല്ലെ​ങ്കി​ലും ക​ടു​ത്ത കു​ടി​വെ​ള്ള​ക്ഷാ​മ​ത്തി​ൽ വ​ല​യു​ക​യാ​ണ് ഭൂ​രി​ഭാ​ഗം വാ​ർ​ഡു​ക​ളും. ന​ഗ​ര​സ​ഭ​യു​ടെ പ​രി​ധി​യി​ലു​ള്ള 22-ഒാ​ളം വാ​ർ​ഡു​ക​ളി​ലും കു​ടി​വെ​ള്ള വി​ത​ര​ണം പ്ര​തി​സ​ന്ധി​യി​ലാ​ണ്. ക​ടു​ത്ത പ്ര​തി​ഷേ​ധ​ത്തി​ലാ​ണ്​ ജ​ന​ങ്ങ​ൾ.

ചു​രു​ളി​ക്കോ​ട് വാ​ർ​ഡി​ലെ ഉ​യ​ർ​ന്ന പ്ര​ദേ​ശ​ങ്ങ​ളാ​യ വാ​ല​ശ്ശേ​രി​ക്കോ​ള​നി, വ​ള​വെ​ട്ടും​പാ​റ, മു​തു​മ​ര​ത്തി​ൽ കോ​ള​നി, ഹൗ​സി​ങ് ബോ​ർ​ഡ് കോ​ള​നി, പ്ലാ​പ്പ​ടി-​പാ​റ​മു​രു​പ്പേ​ൽ ഭാ​ഗം, പ​ടി​ഞ്ഞാ​റ്റേ​മു​റി ഭാ​ഗം തു​ട​ങ്ങി​യ പ്ര​ദേ​ശ​ങ്ങ​ളി​ൽ പൈ​പ്പ് ലൈ​ൻ വ​ഴി കു​ടി​വെ​ള്ളം ല​ഭി​ച്ചി​ട്ട് 10 മാ​സ​ത്തി​ലേ​റെ​യാ​യി. ന​ഗ​ര​സ​ഭ ഒ​ന്നാം വാ​ർ​ഡി​ലെ വാ​ളു​വെ​ട്ടും​പാ​റ, മൂ​ന്നാം വാ​ർ​ഡി​ലെ വ​ഞ്ചി​ക പൊ​യ്ക, ആ​റാം വാ​ർ​ഡി​ലെ വ​ല്യ​ന്തി, ഏ​ഴാം വാ​ർ​ഡി​ലെ പൂ​വ​ൻ​പാ​റ എ​ന്നി​വി​ട​ങ്ങ​ളി​ൽ മാ​സ​ത്തി​ൽ ഒ​രി​ക്ക​ലാ​ണ് വെ​ള്ള​മെ​ത്തു​ന്ന​ത്. വാ​ട്ട​ർ അ​തോ​റി​റ്റി​യു​ടെ പൈ​പ്പ് ലൈ​നി​ൽ മി​ക്ക​യി​ട​ത്തും വെ​ള്ളം എ​ത്തു​ന്നി​ല്ല.

പ​ത്ത​നം​തി​ട്ട ന​ഗ​ര​ത്തി​ന്റെ ഹൃ​ദ​യ​ഭാ​ഗ​ത്തെ വാ​ർ​ഡു​ക​ളാ​യ തൈ​ക്കാ​വ്, പ​ട്ടം​കു​ളം, പേ​ട്ട നോ​ർ​ത്ത്-​സൗ​ത്ത്, വെ​ട്ടി​പ്പു​റം, ക​രി​മ്പ​നാ​ക്കു​ഴി, ചു​ട്ടി​പ്പാ​റ തു​ട​ങ്ങി​യ വാ​ർ​ഡു​ക​ളി​ലും സ്ഥി​തി വി​ഭി​ന്ന​മ​ല്ല. പ​ക്ഷേ, ഈ ​വാ​ർ​ഡു​ക​ളി​ലെ ഉ​യ​ർ​ന്ന പ്ര​ദേ​ശ​ങ്ങ​ളെ അ​പേ​ക്ഷി​ച്ച് താ​ഴ്ന്ന പ്ര​ദേ​ശ​ങ്ങ​ളി​ൽ മി​ക്ക ആ​ഴ്ച​ക​ളി​ലും ര​ണ്ടു​ത​വ​ണ വെ​ള്ളം ല​ഭി​ക്കു​ന്നു​ണ്ട്. എ​ന്നാ​ൽ, വ​ള​രെ കു​റ​ച്ച് സ​മ​യം തീ​രെ ശ​ക്തി​യി​ല്ലാ​ത്ത ഒ​ഴു​ക്കി​ലാ​ണ് ല​ഭി​ക്കു​ന്ന​തും. കു​മ്പ​ഴ പ​നം​തോ​പ്പ് ഭാ​ഗ​ത്തും കു​ടി​വെ​ള്ളം കി​ട്ടാ​ക്ക​നി​യാ​ണ്.

ന​ഗ​ര​ത്തി​ൽ കു​ടി​വെ​ള്ള​ത്തി​നാ​യി ജ​നം നെ​ട്ടോ​ട്ടം ഓ​ടു​മ്പോ​ഴും ന​ഗ​ര​സ​ഭ അ​ധി​കൃ​ത​ർ​ക്ക്​ നി​സ്സം​ഗ​ഭാ​വ​മാ​ണ്. ജ​ന​ങ്ങ​ളാ​ക​ട്ടെ പ​രാ​തി പ​റ​ഞ്ഞ്​ മ​ടു​ത്തു. ന​ഗ​ര​സ​ഭ അ​ധ്യ​ക്ഷ​നോ​ട്​ പ​ല പ്രാ​വ​ശ്യം പ​രാ​തി പ​റ​ഞ്ഞി​ട്ടും ഫ​ല​മു​ണ്ടാ​കു​ന്നി​ല്ലെ​ന്ന്​ ജ​ന​ങ്ങ​ളും കൗ​ൺ​സി​ല​ർ​മാ​രും പ​റ​യു​ന്നു.

പൊ​ട്ടി​ല്ല... പൊ​ട്ടി...

പു​തി​യ​താ​യി സ്ഥാ​പി​ച്ച പൈ​പ്പു​ക​ൾ ഒ​ന്നും പ​ഴ​യ​തു​പോ​ലെ പൊ​ട്ടി​ല്ല എ​ന്നാ​ണ് അ​ധി​കൃ​ത​ർ പ​റ​ഞ്ഞ​ത്. എ​ന്നാ​ൽ, പു​തി​യ പൈ​പ്പു​ക​ൾ സ്ഥാ​പി​ച്ച് കു​ഴി​മൂ​ടു​ന്ന​തി​ന് മു​മ്പ്​ ത​ന്നെ പ​ല​ഭാ​ഗ​ത്തെ​യും പൈ​പ്പു​ക​ൾ പൊ​ട്ടി​ത്തു​ട​ങ്ങി.

പി​ന്നീ​ട് പ​ഴ​യ പൈ​പ്പ് ക​ണ​ക്ഷ​നു​ണ്ടാ​യി​രു​ന്ന പ​ല​ഭാ​ഗ​ത്തും വെ​ള്ളം കി​ട്ടാ​താ​യി. കു​ടി​വെ​ള്ള​ക്ഷാ​മം രൂ​ക്ഷ​മാ​യ​തോ​ടെ ജ​ന​ങ്ങ​ൾ കു​ടി​വെ​ള്ള അ​തോ​റി​റ്റി​ക്കെ​തി​രെ സ​മ​ര​പ​രി​പാ​ടി​ക​ൾ ന​ട​ത്തി​യി​ട്ടും ഇ​പ്പോ​ഴും മാ​റ്റ​മു​ണ്ടാ​യി​ട്ടി​ല്ല.

നി​ല​വി​ൽ പ​ല​വീ​ടു​ക​ളി​ലും 800 രൂ​പ​മു​ത​ൽ 1500 രൂ​പ​വ​രെ ആ​ഴ്ച​യി​ൽ ര​ണ്ടും മൂ​ന്നും ത​വ​ണ മു​ട​ക്കി വാ​ഹ​ന​ങ്ങ​ളി​ൽ വെ​ള്ള​മെ​ത്തി​ക്കു​ക​യാ​ണ്. ന​ഗ​ര​ത്തി​ലെ ഓ​ഫി​സു​ക​ൾ, ആ​ശു​പ​ത്രി, ശ​ബ​രി​മ​ല ഇ​ട​ത്താ​വ​ളം എ​ന്നി​വി​ട​ങ്ങ​ളും വെ​ള്ള​മി​ല്ലാ​തെ ക​ഷ്ട​പ്പെ​ടു​ക​യാ​ണ്.

മു​ട​ക്കി​യ​ത്​ 11.5 കോ​ടി

കി​ഫ്ബി പ​ദ്ധ​തി​യി​ൽ ഉ​ൾ​പ്പെ​ടു​ത്തി 11.5 കോ​ടി​രൂ​പ മു​ട​ക്കി​യാ​ണ് പ​ത്ത​നം​തി​ട്ട ന​ഗ​ര​ത്തി​ലെ പൈ​പ്പു​ക​ളു​ടെ ന​വീ​ക​ര​ണ​വും വി​പു​ലീ​ക​ര​ണ​വും ന​ട​ത്തി​യ​ത്.

കു​ടി​വെ​ള്ള പൈ​പ്പു​ക​ളു​ടെ പ​ണി​ക​ൾ പൂ​ർ​ത്തി​യാ​കു​ന്ന​തോ​ടെ ന​ഗ​ര​ത്തി​ലെ മു​ക്കി​ലും മൂ​ല​ക്കും വ​രെ കു​ടി​വെ​ള്ള വി​ത​ര​ണ​മെ​ത്തു​മെ​ന്നും മു​ഴു​വ​ൻ കു​ടി​വെ​ള്ള​പ്ര​ശ്ന​ങ്ങ​ൾ​ക്കും പ​രി​ഹ​ര​മു​ണ്ടാ​കു​മെ​ന്നാ​യി​രു​ന്നു അ​ധി​കൃ​ത​രു​ടെ വാ​ഗ്ദാ​നം.