Begin typing your search above and press return to search.
exit_to_app
exit_to_app
Posted On
date_range 25 Sep 2020 11:58 PM GMT Updated On
date_range 25 Sep 2020 11:58 PM GMTപോപുലർ ഫിനാൻസ് നിക്ഷേപക കൂട്ടായ്മ ഇന്ന്
text_fieldsbookmark_border
പത്തനംതിട്ട: പോപുലർ ഫിനാൻസ് നിക്ഷേപക ആക്ഷൻ കൗൺസിലിൻെറ നേതൃത്വത്തിൽ ശനിയാഴ്ച നിക്ഷേപകരുടെ കൂട്ടായ്മ സംഘടിപ്പിക്കും. വൈകീട്ട് മൂന്നിന് പത്തനംതിട്ട റോയൽ ഓഡിറ്റോറിയത്തിൽ നടക്കുന്ന കൂട്ടായ്മ ബി.ജെ.പി സംസ്ഥാന അധ്യക്ഷൻ കെ. സുരേന്ദ്രൻ ഉദ്ഘാടനം ചെയ്യുമെന്ന് ആക്ഷൻ കൗൺസിൽ ഭാരവാഹികൾ വാർത്തസമ്മേളനത്തിൽ പറഞ്ഞു. മുൻ മിസോറം ഗവർണർ കുമ്മനം രാജശേഖരൻ അടക്കമുള്ളവർ പങ്കെടുക്കുന്ന പ്രക്ഷോഭം തുടർദിവസങ്ങളിൽ സംഘടിപ്പിക്കും. പോപുലർ തട്ടിപ്പ് കേസ് അന്വേഷണം സി.ബി.ഐ ഏറ്റെടുക്കുക, എഫ്.ഐ.ആർ എല്ലാ പൊലീസ് സ്റ്റേഷനുകളിലും രജിസ്റ്റർ ചെയ്യുക, ഇൻറർപോൾ, എൻ.ഐ.എ, എൻഫോഴ്സ്മൻെറ് ഡയറക്ടറേറ്റ് തുടങ്ങിയ കേന്ദ്ര ഏജൻസികൾ കേസ് ഏറ്റെടുക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരം. ജനാധിപത്യെത്തയും ജുഡീഷ്യറിയെയും അപമാനിക്കുന്നതാണ് ഒറ്റ എഫ്.ഐ.ആർ മാത്രം രജിസ്റ്റർ ചെയ്യാനുള്ള നീക്കം. റിസർവ് ബാങ്കിൻെറ വിലക്കുണ്ടായിട്ടും 21 പേപ്പർ കമ്പനികൾ പ്രവർത്തിക്കുന്ന ഭരണ-പ്രതിപക്ഷ കക്ഷികൾ ഭരിച്ചപ്പോഴൊന്നും ശ്രദ്ധയിൽപെടാതിരുന്നത് ദുരൂഹമാണ്. എൽ.എൽ.പിയുടെ മറവിലാണ് പോപുലർ ഉടമകൾ കുതന്ത്രങ്ങൾ മെനഞ്ഞത്. പോപുലറിൻെറ മാനേജർമാർ പുറത്തുനിന്ന് ഉടമകൾക്ക് രക്ഷപ്പെടാൻ സഹായം ഒരുക്കുന്നുണ്ട്. സംസ്ഥാനത്തിന് പുറത്ത് പലയിടങ്ങളിലും പോപുലറിൻെറ സ്ഥാപനങ്ങൾ തുറന്നുപ്രവർത്തിക്കുന്നുണ്ട്. അന്വേഷണച്ചുമതലയുള്ള കോന്നി സി.ഐ രാജേഷിനെ സ്ഥലംമാറ്റിയത് ഉടമകൾക്ക് പഴുതൊരുക്കുന്നതിനുവേണ്ടിയാണെന്നും ഭാരവാഹികൾ ആരോപിച്ചു. വാർത്തസമ്മേളനത്തിൽ ആക്ഷൻ കൗൺസിൽ പ്രസിഡൻറ് സി.എസ്. നായർ, സെക്രട്ടറി സജീവൻ ഊന്നുകല്ലിൽ, ട്രഷറർ വിളയിൽ തോമസ് എന്നിവർ പെങ്കടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story