ജീവനക്കാരന് കോവിഡ്; ഇന്ത്യൻ കോഫി ഹൗസ് അടച്ചു

ചെങ്ങന്നൂർ: ടൗണിലെ ഇന്ത്യൻ കോഫി ഹൗസ് ജീവനക്കാരന് കോവിഡ് സ്ഥിരീകരിച്ചതിനെ തുടർന്ന് സ്ഥാപനം അടച്ചു. കോട്ടയം സ്വദേശിയായ ജീവനക്കാരനാണ്​ കോവിഡ് പോസിറ്റിവായത്. ഇയാളുമായി സമ്പർക്കത്തിൽ ഉൾപ്പെട്ട ജീവനക്കാരും കടയിൽ എത്തിയവരും നിരീക്ഷണത്തിൽ പോകാൻ ആരോഗ്യ വകുപ്പ് നിർദേശിച്ചു. ചെങ്ങന്നൂർ ഫെഡറൽ ബാങ്ക്​ ശാഖയിലെ ജീവനക്കാരിയുടെ ബന്ധുവിന്​ കോവിഡ് പോസിറ്റിവായതിനെ തുടർന്ന് ബാങ്ക് അടച്ചു.