Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightPalakkadchevron_rightശ്രീകൃഷ്ണപുരം...

ശ്രീകൃഷ്ണപുരം ബ്ലോക്കിൽ 80 ശതമാനം പോളിങ്​

text_fields
bookmark_border
ശ്രീകൃഷ്ണപുരം: ബ്ലോക്ക് പരിധിയിൽ 80 ശതമാനം പോളിങ്​ രേഖപ്പെടുത്തി. ശ്രീകൃഷ്ണപുരം ബ്ലോക്ക് പഞ്ചായത്തിലേക്കും ജില്ല പഞ്ചായത്തിലെ രണ്ട് ഡിവിഷനുകളിലെയും ബ്ലോക്ക് പരിധിയിലെ ആറു ഗ്രാമപഞ്ചായത്തുകളിലേക്കും നടന്ന പോളിങ്​ ശതമാനമാണിത്. മുൻ വർഷങ്ങളെ അപേക്ഷിച്ച് തീർത്തും സമാധാനപരമായാണ് മേഖലയിൽ തെരഞ്ഞെടുപ്പ് അവസാനിച്ചത്. ബ്ലോക്ക് പഞ്ചായത്ത് പരിധിയിൽ 95,672 ലധികം ആളുകളാണ് പോൾ ചെയ്തത്. കടമ്പഴിപ്പുറം ഗ്രാമപഞ്ചായത്തിൽ 81 ശതമാനവും, കരിമ്പുഴയിൽ 79 ശതമാനം, ശ്രീകൃഷ്ണപുരത്ത്​ 78 ശതമാനം, വെള്ളിനേഴിയിൽ 78 ശതമാനം, കാരാകുറുശ്ശിയിൽ 79 ശതമാനം, പൂക്കോട്ടുകാവിൽ 77 ശതമാനവും വോട്ട് രേഖപ്പെടുത്തിയതായാണ് ലഭ്യമായ അവസാന കണക്ക്. ബൂത്തുകളിൽനിന്നും വോട്ടിങ് മെഷീനുകൾ ശ്രീകൃഷ്ണപുരം ഹയർ സെക്കൻഡറി സ്കൂളിലെ സ്ട്രോങ് റൂമിൽ എത്തി. പതിനാറിന് ശ്രീകൃഷ്ണപുരം ഹയർസെക്കൻഡറി സ്കൂളിൽ വോട്ടെണ്ണൽ നടക്കും.
Show Full Article
TAGS:
Next Story