ആൻറിജൻ പരിശോധന: ഒറ്റപ്പാലത്തെ​ കോവിഡ്​ 20 ആയി

ഒറ്റപ്പാലം: കഴിഞ്ഞ ആറ് ദിവസമായി താലൂക്ക് ആശുപത്രിയിൽ നടന്നുവരുന്ന ആൻറിജൻ പരിശോധനയിൽ കോവിഡ് ബാധിതരുടെ എണ്ണം 20 ആയി. ഇതിൽ 18 പേരും ഒറ്റപ്പാലം നഗരസഭ പരിധിയിലുള്ളവരാണ്. ബുധനാഴ്ച 17 പേരെ പരിശോധിച്ചതിൽ മൂന്നുപേർക്കാണ് കോവിഡ് സ്ഥിരീകരിച്ചത്. ഈസ്​റ്റ്​ ഒറ്റപ്പാലത്ത് ഏഴോളം പേർക്കാണ് കോവിഡ് സ്ഥിരീകരിച്ചിട്ടുള്ളത്. ഈ സഹചാര്യത്തിൽ ഒറ്റപ്പാലം ബി.ആർ.സിയിൽ 17ന് പ്രത്യേകമായി ആൻറിജൻ പരിശോധന ക്യാമ്പ് സംഘടിപ്പിക്കുമെന്ന് കൗൺസിലർ പി.എം.എ. ജലീൽ അറിയിച്ചു.