മണ്ണൂരിൽ അനിത പഞ്ചായത്ത് പ്രസിഡൻറാകും

പത്തിരിപ്പാല: മണ്ണൂർ ഗ്രാമപഞ്ചായത്തിൽ എസ്. അനിത പ്രസിഡൻറാകും. മുൻ പ്രസിഡൻറായിരുന്ന ഒ.വി. സ്വാമിനാഥനാണ് വൈസ് പ്രസിഡൻറാകുക. മണ്ണൂർപഞ്ചായത്തിലെ ആറാം വാർഡിലെ പറയംങ്കാട് നിന്നാണ് അനിത വിജയിച്ചത്. മുൻ ഭരണസമിതിയിൽ സ്​റ്റാൻഡിങ്​ കമ്മിറ്റി ചെയർപേഴ്സനായിരുന്നു. നിലവിൽ മഹിള അസോസിയേഷൻ സെക്രട്ടറി കൂടിയാണ്. വാർഡ് 14 ചേറുംബാലയിൽ നിന്നാണ് ഒ.വി. സ്വാമിനാഥൻ വിജയിച്ചത്.