ലോറി തകരാറിൽ; ദേശീയപാതയിൽ ഗതാഗതം തടസ്സപ്പെട്ടു

വടക്കഞ്ചേരി: കുതിരാൻ ക്ഷേത്രത്തിന്​ സമീപം ലോഡ് കയറ്റി തൃശൂർ ഭാഗത്തേക്ക് പോയിരുന്ന ലോറി കേട് വന്ന് മൂന്ന് മണിക്കൂറോളം ദേശീയപാതയിൽ ഗതാഗതം തടസ്സപ്പെട്ടു. ശനിയാഴ്​ച വൈകീട്ട്​ നാലോടെയാണ് ലോറി കേടായത്. ഇതേ തുടർന്ന് ഇരുഭാഗത്തും വാഹനങ്ങൾ നിറഞ്ഞ്​ കുരുക്ക് മുറുകി. പിന്നീട് ഹൈവേ പൊലീസ് എത്തി വാഹനങ്ങൾ ഒറ്റവരിയാക്കി വിട്ടാണ് കുരുക്കിന് പരിഹാരം കണ്ടത്.