Begin typing your search above and press return to search.
exit_to_app
exit_to_app
Posted On
date_range 1 Oct 2020 11:59 PM GMT Updated On
date_range 1 Oct 2020 11:59 PM GMTആദിവാസി സമരം ചെറുക്കാൻ വനം വകുപ്പും പൊലീസും
text_fieldsbookmark_border
പറമ്പിക്കുളം: റോഡ് വെട്ടൽ സമരത്തിനെ ചെറുക്കാൻ തയാറായി വനം വകുപ്പും പൊലീസും. ഗാന്ധിജയന്തി ദിനത്തിൽ തേക്കടി കോളനിയിൽ നിന്ന് ചെമ്മണാമ്പതി അടിവാരത്തേക്ക് റോഡ് വെട്ടൽ സമരവുമായാണ് പറമ്പിക്കുളം കോളനിവാസികൾ തയാറെടുക്കുന്നത്. എന്നാൽ അനുവാദമില്ലാതെ വനത്തിനകത്ത് റോഡ് വെട്ടുന്നതിനെതിരെ നിയമ നടപടി സ്വീകരിക്കുമെന്ന നിലപാടിലാണ് വനം വകുപ്പ്. കോവിഡ് കാലഘട്ടത്തിലെ സമരത്തിനെതിരെ പൊലീസും സജ്ജരായിരിക്കുകയാണ്. എന്നാൽ റോഡ് വെട്ടിയാലല്ലാതെ മറ്റു വഴികളിെല്ലന്നും തമിഴ്നാടിൻെറ കാരുണ്യത്തിൽ സ്വന്തം പഞ്ചായത്തിനകത്ത് കടക്കേണ്ട അവസ്ഥക്ക് മാറ്റമുണ്ടാക്കുവാനാണ് റോഡ് വെട്ടി സമരമെന്ന് തേക്കടി കോളനിവാസികൾ പറഞ്ഞു. മരണാനന്തര ചടങ്ങിൽ പങ്കെടുത്തവരുൾപ്പെടെ 25 പേർക്ക് കോവിഡ് കല്ലടിക്കോട്: മരണാനന്തര ചടങ്ങിൽ ഒത്തുകൂടിയ 15 പേരുൾപ്പെടെ 25 പേർക്ക് കരിമ്പ പഞ്ചായത്തിലെ വിവിധ വാർഡുകളിൽ കോവിഡ് സ്ഥിരീകരിച്ചു. വ്യാഴാഴ്ച കല്ലടിക്കോട് കുടുംബാരോഗ്യകേന്ദ്രത്തിൽ 82 പേരെ ആൻറിജൻ ടെസ്റ്റിന് വിധേയരാക്കിയതിൽ 11, 12 വാർഡുകളിൽ നിന്നെത്തിയവരാണ് കൂടുതൽ രോഗബാധിതർ. മൂന്ന്, ഏഴ്, ആറ്, 15, 17 വാർഡുകളിലുള്ളവർക്കും കോവിഡ് സ്ഥിരീകരിച്ചു. യൂത്ത് കോൺഗ്രസ് മാർച്ച് നടത്തി മണ്ണാർക്കാട്: റവന്യൂ ഭൂമിയിലെ കൈയേറ്റഭൂമി ഒഴിവാക്കണമെന്നാവശ്യപ്പെട്ട് കാഞ്ഞിരപ്പുഴ യൂത്ത് കോൺഗ്രസ് മണ്ഡലം കമ്മിറ്റിയുടെ നേതൃത്വത്തിൽ ചിറക്കൽപ്പടി പൊറ്റശ്ശേരി വില്ലേജ് ഓഫിസിലേക്ക് മാർച്ച് നടത്തി. കെ.പി.സി.സി സെക്രട്ടറി പി.വി. രാജേഷ് ഉദ്ഘാടനം ചെയ്തു. പ്രസിഡൻറ് അരുൺ കാരക്കാട്ട് അധ്യക്ഷത വഹിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story