അവശനിലയിലായ ആന വീട്​ തകർത്തു

അഗളി: അട്ടപ്പാടി ഷോളയൂരിൽ പരിക്കേറ്റ് അവശനിലയിലുണ്ടായിരുന്ന ആന വ്യാഴാഴ്​ച പുലർച്ച വീട് തകർത്തു. ഷോളയൂർ വരഗംപാടി ഭങ്കാര ലക്ഷ്മിയുടെ വീടാണ് തകർത്തത്. മൂന്ന്​ മാസത്തിനിടെ 23 വീടുകളാണ് മോഴയാന തകർത്തത്. പ്രദേശവാസികളുടെ പരാതിയെ തുടർന്ന് വനം വകുപ്പ് റബർ ബുള്ളറ്റ്​ ഉപയോഗിച്ച് ആനയെ വനമേഖലയിലേക്ക് കടത്തിയിരുന്നു. തമിഴ്നാട് വനമേഖലയിൽ എത്തിയ ആന താടിയെല്ലിനും വായ്ക്കും പരിക്കേറ്റ നിലയിൽ ഏതാനും ദിവസം മുമ്പ്​ തിരികെ എത്തുകയായിരുന്നു. ഫോറസ്​റ്റ്​ വെറ്ററിനറി ഓഫിസർ അരുൺ സത്യ​ൻെറ നേതൃത്വത്തിൽ ആനയെ നിരീക്ഷിച്ചുവരികയാണ്. ചിത്രം : ഷോളയൂരിൽ മോഴ ആന തകർത്ത വീട്