ചാത്തമംഗലത്ത് വെടിമരുന്ന് പുരക്ക് തീപിടിച്ച്​ സ്​ഫോടനം

നെന്മാറ: ചാത്തമംഗലത്ത് വെടിമരുന്ന് സൂക്ഷിച്ച സ്ഥലത്ത് വൻ സ്ഫോടനം. സമീപത്തുള്ള വീടുകൾക്ക് കേടുപാടുകൾ സംഭവിച്ചു. ഇടപ്പാടം ചെന്താമരയുടെ സ്ഥലത്ത്​ വ്യാഴാഴ്ച രാത്രി 8.40 നാണ് സംഭവം. ആളപായമില്ലെന്ന് പൊലീസ് അറിയിച്ചു. പടക്കനിർമാതാവായ ചെന്താമര പഴയ പടക്കങ്ങൾ കൂട്ടിയിട്ട സ്ഥലത്ത് തീപിടിത്തമുണ്ടായതാണെന്ന്​ നെന്മാറ പൊലീസ്​ പറഞ്ഞു.