നിർത്തിവെച്ച ഒ.പി തുടരാൻ അനുമതി

പട്ടാമ്പി: നിള ആശുപത്രിയിൽ നിർത്തിവെച്ച ഒ.പി പരിശോധനകൾ തുടരാൻ ആരോഗ്യ വകുപ്പ് അനുമതി നൽകി. ദിവസങ്ങൾക്ക് മുമ്പ് അഡ്മിറ്റായി ചികിത്സയിൽ ഉണ്ടായിരുന്ന ഒരു രോഗിക്ക് കോവിഡ് കണ്ടെത്തിയതിനെ തുടർന്നാണ് ആരോഗ്യ വകുപ്പി​ൻെറ നിർദേശപ്രകാരം ഒ.പി പ്രവർത്തനം നിർത്തിയത്. തുടർന്ന് സമ്പർക്ക പട്ടികയിൽപ്പെട്ട 26 ജീവനക്കാർ ക്വാറൻറീനിൽ പോകുകയും തുടർന്ന് ടെസ്​റ്റിന് വിധേയരാവുകയും ചെയ്തു. എല്ലാവരുടെയും ഫലം നെഗറ്റിവായതി​ൻെറ അടിസ്ഥാനത്തിലാണ് ഒ.പി പ്രവർത്തനം തുടരുവാൻ ആരോഗ്യ വകുപ്പ് അനുമതി നൽകിയത്.