Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightPalakkadchevron_rightനൂറു ശതമാനം സമയനിഷ്​ഠ;...

നൂറു ശതമാനം സമയനിഷ്​ഠ; റെക്കോഡിട്ട്​ റെയിൽവേ

text_fields
bookmark_border
കോവിഡ്​ കാലത്തെ തിരക്കൊഴിഞ്ഞ ട്രാക്കുകൾ അനുഗ്രഹമായി ന്യൂഡൽഹി: നൂറു ശതമാനം സമയനിഷ്​ഠ കൈവരിച്ച്​ ഇന്ത്യൻ റെയിൽവേ ചരിത്രം രചിച്ചു. യാ​ത്രാവണ്ടികൾ എല്ലാം തന്നെ കൃത്യസമയത്ത്​ ലക്ഷ്യസ്ഥാനത്ത്​ എത്തിച്ചാണ്​ ജൂലൈ ഒന്നിന്​​ റെക്കോഡ്​ സൃഷ്​ടിച്ചത്​. പാസഞ്ചർ ട്രെയിനുകളും സമയം തെറ്റിച്ചില്ല. ലോക്​ഡൗൺ കാരണം ട്രാക്കുകൾ തിരക്കൊഴിഞ്ഞതിനെ തുടർന്നാണ്​ ഈ നേട്ടം കൈവരിക്കാൻ സാധിച്ചത്​. ലോക്​ഡൗണിനെ തുടർന്ന്​ മൊത്തം ട്രെയിനുകളിൽ രണ്ട്​ ശതമാനത്തിലും താഴെ മാത്രമാണ്​ ഒാടുന്നത്​. ഇതാണ്​ കാരണമെങ്കിലും രാജ്യചരിത്രത്തിലെ ആദ്യത്തെ സംഭവമെന്ന നിലയിൽ സന്തോഷം പങ്കുവെച്ചിരിക്കുകയാണ്​ റെയിൽവേ മന്ത്രി പിയൂഷ്​ ഗോയലും റെയിൽവേ വകുപ്പും. 'ഫാസ്​റ്റ്​​ ലൈനിലെ ട്രെയിനുകൾ അമ്പരപ്പിക്കുന്ന നിലവാരത്തിലേക്ക്​ അവരുടെ സേവനങ്ങൾ മെച്ചപ്പെടുത്തിയതോടെ ഇന്ത്യൻ റെയിൽവേ ജൂലൈ ഒന്നിന്​ 100 ശതമാനം സമയനിഷ്​ഠ പാലിച്ച്​ പുതിയ റെക്കോഡ്​ കുറിച്ചു' -മന്ത്രി പിയൂഷ്​ ഗോയൽ ട്വിറ്ററിൽ കുറിച്ചു. ജൂൺ 23ന്​ 99.5 ശതമാനം സമയനിഷ്​ഠ പാലിച്ചതാണ്​ ഇതിനുമുമ്പത്തെ റെക്കോഡ്​. അന്ന്​ ഒരു ട്രെയിൻ വൈകിയോടിയിരുന്നു. ആഗസ്​റ്റ്​​ 12 വരെ എല്ലാ ലോക്കൽ ട്രെയിനുകളും റദ്ദാക്കിയിട്ടുണ്ട്​. നിലവിൽ ഒാടുന്ന 230 പ്രത്യേക ട്രെയിനുകൾ നിർബന്ധമായും 100 ശതമാനം കൃത്യനിഷ്​ഠ പാലിക്കണമെന്ന്​ അധികൃതർ പ്രത്യേക അറിയിപ്പ്​ നൽകിയിട്ടുണ്ട്​.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story