കാസിനോ ഹോട്ടൽസിനെതിരായ പരാതി നിലനിൽക്കില്ല

തൃശൂർ: കാസിനോ ഹോട്ടൽ കമ്പനിക്കെതിരേ നാഷണൽ കമ്പനി ലോ ട്രൈബ്യൂണലിൽ നൽകിയ പരാതി തെളിവുകളില്ലാത്തതിനാൽ നിലനിൽക്കില്ലെന്ന് ട്രൈബ്യൂണലി‍ൻെറ കൊച്ചി ബെഞ്ച്. കമ്പനിയുടെ മുൻ മാനേജിങ് ഡയറക്ടറും ഇപ്പോൾ ഡയറക്ടർ ബോർഡ് അംഗവുമായ പാളയംപറമ്പ് വൈന്തല കണിച്ചായി തോമസാണ്​ പരാതിക്കാരൻ. കേസി‍ൻെറ അടിസ്ഥാനത്തിൽ കാസിനോ ഹോട്ടൽസ് കമ്പനിയുടെ 42ാമത് പൊതുയോഗം കോടതി ഉത്തരവുപ്രകാരം നീട്ടിവെച്ചിരുന്നു. ഇനി അത് നിലനിൽക്കില്ല. പുതിയ വിധിയുടെ അടിസ്ഥാനത്തിൽ പൊതുയോഗം ഉടൻ നടത്തുമെന്ന് കമ്പനി അറിയിച്ചു.