ഉരുവച്ചാലിൽ സി.പി.എം ബ്രാഞ്ച്​ സെക്രട്ടറിക്ക്​ വെട്ടേറ്റു

മട്ടന്നൂർ (കണ്ണൂർ): പഴശ്ശിയിൽ സി.പി.എം കോവിലകം ബ്രാഞ്ച് സെക്രട്ടറി വി. രാജേഷി​െന (40) വെട്ടിക്കൊലപ്പെടുത്താൻ ശ്രമം. ബുധനാഴ്​ച രാത്രി ഒമ്പതോടെ സാധനങ്ങൾ വാങ്ങി വീട്ടിലേക്കു പോകവെ പഴശ്ശി വയലിൽ റോഡിൽവെച്ചാണ് വെട്ടേറ്റത്. രണ്ടു ബൈക്കുകളിലെത്തിയ മുഖംമൂടി സംഘമാണ് ആക്രമിച്ചത്​. രാജേഷി​ൻെറ ബഹളംകേട്ട് ഓടിയെത്തിയ പരിസരവാസികൾ ആദ്യം ഉരുവച്ചാലിലെ സ്വകാര്യ ആശുപത്രിയിലും പിന്നീട്​ കണ്ണൂർ എ.കെ.ജി സഹകരണ ആശുപത്രിയിലും പ്രവേശിപ്പിച്ചു. കഴുത്തിന് താഴെ മൂന്നിടത്ത്​ വെട്ടുകയും വടികൊണ്ട്​ കൈക്ക് അടിച്ചു പരിക്കേൽപിക്കുകയുമായിരുന്നു. സംഭവത്തിനുശേഷം അക്രമികൾ ബൈക്കുമായി രക്ഷപ്പെട്ടു. സംഭവമറിഞ്ഞ് മട്ടന്നൂർ സി.ഐ കൃഷ്​ണൻ, എസ്.ഐ ഷാജി എന്നിവരുടെ നേതൃത്വത്തിൽ പൊലീസ് സംഘം സ്ഥലത്തെത്തി പരിശോധന നടത്തി. അക്രമികൾ സഞ്ചരിച്ച ബൈക്കുകൾ കണ്ടെത്താൻ ശ്രമം ഊർജിതമാക്കി. അക്രമത്തിനു​ പിന്നിലെ കാരണം വ്യക്തമായിട്ടില്ല. പരിക്കേറ്റ രാജേഷി​െന എ.കെ.ജി ആശുപത്രിയിൽ സി.പി.എം ജില്ല സെക്രട്ടറി സന്ദർശിച്ചു.