നിബ ഫാത്തിമക്ക് നീറ്റിൽ റാങ്ക്; ഡോക്ടർ കുടുംബത്തിലേക്ക് അഞ്ചാമംഗം

കോട്ടക്കൽ: നീറ്റിൽ റാങ്ക് ലഭിച്ചതോടെ നാലുപേർക്കുമൊപ്പം ഇളയ സഹോദരിയും ഡോക്ടർ പഠനത്തിലേക്ക്. പറപ്പൂർ തെക്കേ കുളമ്പിൽനിന്നാണ് ഈ കുടുംബവിശേഷം. തെക്കേ കുളമ്പ്​ തൂമ്പത്ത് എടത്തനാട്ട് അബ്‌ദുല്ലയുടെയും റംലയുടെയും മകളായ നിബ ഫാത്തിമ ഒാൾ ഇന്ത്യ എൻട്രൻസ് പരീക്ഷയിൽ 3764 റാങ്കാണ് കരസ്ഥമാക്കിയത്. മൂത്ത സഹോദരി ഡോ. ഫാത്തിമ തഹ്സിൻ പട്ടാമ്പിയിൽ ഡോക്ടറാണ്. ഫാത്തിമ തസ്​ലീമ കോഴിക്കോട്ട്​ എം.ബി.ബി.എസ് പൂർത്തിയാക്കിയ ശേഷം തൃശൂരിൽ എം.ഡി ചെയ്യുന്നു. ഫാത്തിമ തസ്​രീഫ കെ.എം.സി.ടി.യിൽ എം.ബി.ബി.എസിന്​ പഠിക്കുന്നു. നിബക്കൊപ്പമുള്ള ഇരട്ട സഹോദരിയായ നിഹ്മ ഫാത്തിമ തൃശൂർ മെഡിക്കൽ കോളജിൽ എം.ബി.ബി.എസ് ഒന്നാം വർഷ വിദ്യാർഥിനിയാണ്. മൂത്ത സഹോദരിയുടെ ഭർത്താവ് മാജിദ് എരുമപ്പെട്ടിയിൽ മെഡിക്കൽ ഓഫിസറാണ്. നിബ ഫാത്തിമക്ക്​ കോഴിക്കോ​ട്ടോ തൃശൂരിലോ മെഡിക്കൽ പഠനം നടത്താനാണാഗ്രഹം​.