വരുന്നു കോഴിക്കോട്ടും ഷീസൈക്ലിങ് പദ്ധതി

കോ​ഴി​​ക്കോ​ട്: കൊ​ച്ചി​യി​ലും തി​രു​വ​ന​ന്ത​പു​ര​ത്തും പ​രീ​ക്ഷി​ച്ച് വി​ജ​യ​ിച്ച ഷീ​​സൈ​ക്ലി​ങ് പ​ദ്ധ​തി കോ​ഴി​​ക്കോ​ട്ടും വ​രു​ന്നു. സ്ത്രീ​ക​ൾ ത​ന്നെ വ​നി​ത​ക​ൾ​ക്ക് സൗ​ജ​ന്യ​മാ​യി സൈ​ക്കി​ൾ പ​ഠി​പ്പി​ക്കു​ന്ന​താ​ണ് പ​ദ്ധ​തി. ഇ​ന്ത്യ മു​ഴു​വ​ൻ പ​ദ്ധ​തി ന​ിലവിലുണ്ട്. ജി​ല്ല പ​ഞ്ചാ​യ​ത്തു​മാ​യി പ്രാ​ഥ​മി​ക ച​ർ​ച്ച ന​ട​ന്നു.

കു​ടും​ബ​ശ്രീയുടെ സ​ഹാ​യ​ത്തോ​ടെ ന​ട​പ്പാ​ക്കാ​നാ​ണ് ല​ക്ഷ്യ​മി​ടു​ന്ന​ത്. ന​ഗ​ര​ത്തി​ലെ ഏ​തെ​ങ്കി​ലു​മൊ​രു സ്കൂ​ളി​ലാ​വും പ​ദ്ധ​തി ആ​ദ്യം തു​ട​ങ്ങു​ക. തു​ട​ർ​ന്ന് ജി​ല്ല മു​ഴു​വ​ൻ കു​ടും​ബ​ശ്രീയുടെ സ​ഹ​ക​ര​ണ​ത്തോ​ടെ ന​ട​പ്പാ​ക്കു​ക​യാ​ണ് ല​ക്ഷ്യം.

നെ​ത​ർ​ല​ൻ​ഡ്സ്​​ആ​സ്ഥാ​ന​മാ​യി ആ​ഗോ​ള​ത​ല​ത്തി​ൽ സൈ​ക്കി​ൾ ഉ​പ​യോ​ഗം പ്രോ​ത്സാ​ഹി​പ്പി​ക്കു​ന്ന സം​ഘ​ട​ന​യാ​യ ബി.​വൈ.​സി.​എ​സ്​ ​മറ്റു നഗരങ്ങളെപ്പോലെ കോഴിക്കോട്ടും സൈ​ക്കി​ൾ മേ​യ​റെ നിശ്ചയിച്ചിട്ടുണ്ട്. വ​നി​ത​ക​ൾ​ക്കി​ട​യി​ൽ സൈ​ക്കി​ൾ സാ​ക്ഷ​ര​ത ല​ക്ഷ്യ​മി​ട്ടാണ് ഷീ​​സൈ​ക്ലി​ങ് പ​ദ്ധ​തി നടപ്പാക്കുന്നതെന്ന് കോ​ഴി​ക്കോ​ട്​ സൈ​ക്കി​ൾ മേ​യ​ർ സാ​ഹി​ർ അ​ബ്​​ദു​ൽ ജ​ബ്ബാ​ർ അ​റി​യി​ച്ചു.

കൊ​ച്ചി​യി​ൽ ആ​യി​ര​ത്തോ​ളം വ​നി​ത​ക​ൾ പു​തു​താ​യി സൈ​ക്കി​ൾ പ​ഠി​ച്ചു​ക​ഴി​ഞ്ഞു. വ​നി​ത​ക​ൾ​ക്ക് ശാ​സ്ത്രീ​യ​മാ​യി സൈ​ക്കി​ൾ പ​ഠ​നം ഇ​പ്പോ​ഴും ബാ​ലി​കേ​റാ​മ​ല​യാ​യി തു​ട​രു​ന്നു. സൈ​ക്കി​ൾ പ​ഠ​നം സ്ത്രീ​ക​ളി​ൽ കൂ​ടു​ത​ൽ സു​ര​ക്ഷി​ത ബോ​ധ​മു​ണ്ടാ​ക്കു​മെ​ന്നാ​ണ് വി​ല​യി​രു​ത്തു​ന്ന​ത്.

ഇ​തോ​ടൊ​പ്പം മി​ക​ച്ച ആ​രോ​ഗ്യ സം​ര​ക്ഷ​ണോ​പാ​ധി​കൂ​ടി​യാ​ണ്. സ്ഥി​ര​മാ​യ സൈ​ക്കി​ൾ സ​വാ​രി ഹൃ​ദ​യ​ത്തി​നും പേ​ശി​ക​ൾ​ക്കും എ​ല്ലി​നും ക​രു​ത്തും മാ​ന​സി​ക പ​രി​മു​റു​ക്ക​ങ്ങ​ൾ​ക്ക് അ​യ​വും വ​രു​ത്തും. ന​ഗ​ര​ങ്ങ​ൾ കേ​ന്ദ്രീ​ക​രി​ച്ച് സൈ​ക്കി​ൾ ഉ​പ​യോ​ഗി​ക്കു​ന്ന​വ​രെ കൂ​ടു​ത​ൽ വ​ള​ർ​ത്തി​യെ​ടു​ക്കു​ക​യാ​ണ് ല​ക്ഷ്യം. സൈ​ക്കി​ൾ യാ​ത്ര​ക്കാ​ർ ഏ​റു​ന്ന​ത് പ​രി​സ്ഥി​തി​ക്കും ജ​നാ​രോ​ഗ്യ​ത്തി​നും ഒ​രു​പോ​ലെ ഫ​ല​പ്ര​ദ​മാ​വും.

പി​ങ്ക് റൈ​ഡേ​ഴ്‌​സ് എ​ന്ന പേ​രി​ൽ മാ​നാ​ഞ്ചി​റ സ്ക്വ​യ​റി​ൽ സൈ​ക്കി​ൾ ല​ഭ്യ​മാ​ക്കാ​ൻ കോ​ർ​പ​റേ​ഷ​ൻ പ​ദ്ധ​തി​യു​ണ്ടാ​യി​രു​ന്നെ​ങ്കി​ലും യാ​ഥാ​ർ​ഥ്യ​മാ​യി​ല്ല. എ​ന്നാ​ൽ, ആ​രോ​ഗ്യ​ത്തോ​ടൊ​പ്പം പ്ര​കൃ​തി​ക്കി​ണ​ങ്ങി​യ യാ​ത്ര എ​ന്ന നി​ല​യി​ൽ എ​ല്ലാ വാ​ര്‍ഡു​ക​ളി​ലും സൈ​ക്കി​ള്‍ യാ​ത്ര ഒ​രു​ക്കാ​ൻ കോ​ര്‍പ​റേ​ഷ​ന്‍റെ പ​ദ്ധ​തി ആ​രം​ഭി​ച്ചി​ട്ടു​ണ്ട്. കു​ടും​ബ​ശ്രീ ആ​ഭി​മു​ഖ്യ​ത്തി​ൽ ഓ​രോ വാ​ർ​ഡി​ലും വ​നി​ത​ക​ൾ ന​ട​ത്തു​ന്ന സൈ​ക്കി​ൾ കേ​ന്ദ്ര​ങ്ങ​ൾ തു​ട​ങ്ങാ​നാ​യി സൈ​ക്കി​ളു​ക​ൾ വാ​ങ്ങാ​നാ​ണ് കോ​ർ​പ​റേ​ഷ​ൻ തീ​രു​മാ​നം.

കോ​ഴി​ക്കോ​ട്ടെ സൈ​ക്കി​ളു​ക​ളു​ടെ ര​ക്ഷ​ക​ൻ ഇ​പ്പോ​ഴും സ​ജീ​വം

കോ​ഴി​ക്കോ​ട്: ന​ഗ​ര​ത്തി​ലെ വ​ലി​യ ഉ​ദ്യോ​ഗ​സ്ഥ​രും ബാ​ങ്ക് മാ​നേ​ജ​ർ​മാ​രും ഡോ​ക്ട​ർ​മാ​രും വ്യാ​പാ​രി​ക​ളു​മൊ​ക്കെ സൈ​ക്കി​ളി​ൽ സ​വാ​രി ചെ​യ്തി​രു​ന്ന കാ​ലം മാ​റി സൈ​ക്കി​ൾ ആ​രോ​ഗ്യ​സം​ര​ക്ഷ​ണോ​പാ​ധി​യാ​യി മാ​റി​യ​പ്പോ​ഴും കോ​ഴി​ക്കോ​ട്ടെ സൈ​ക്കി​ൾ ന​ന്നാ​ക്കു​ന്ന 71 കൊ​ല്ലം പി​ന്നി​ട്ട ക​ട​യി​ൽ തി​ര​ക്കൊ​ഴി​യു​ന്നി​ല്ല.

നൂ​റു​ക​ണ​ക്കി​ന് സൈ​ക്കി​ൾ ഷോ​പ്പു​ക​ളു​ണ്ടാ​യി​രു​ന്ന ന​ഗ​ര​ത്തി​ൽ അ​വ​ശേ​ഷി​ക്കു​ന്ന സൈ​ക്കി​ൾ ക​ട​ക​ളി​ലൊ​ന്നാ​ണ് ക​ണ്ണൂ​ർ റോ​ഡി​ൽ ക്രി​സ്ത്യ​ൻ കോ​ള​ജി​ന​ടു​ത്ത മോ​ഹ​ൻ​ദാ​സ് സൈ​ക്കി​ൾ മാ​ർ​ട്ട്. ന​ന്നാ​ക്കാ​ൻ പ​റ്റാ​ത്ത ഏ​ത് വ​ണ്ടി​യും മ​റ്റു ക​ട​ക്കാ​ർ റ​ഫ​ർ ചെ​യ്യു​ക മോ​ഹ​നേ​ട്ട​ന്റെ സൈ​ക്കി​ൾ പീ​ടി​ക​യി​ലേ​ക്കാ​ണ്. ഇ​ട​ക്ക് ത​ള​ർ​ന്ന സൈ​ക്കി​ൾ മേ​ഖ​ല വീ​ണ്ടും സ​ജീ​വ​മാ​യ​താ​യി ഉ​ട​മ 72കാ​ര​ൻ മൊ​ക​വൂ​ർ ന​ന്താ​ത്ത് മോ​ഹ​ന​ൻ പ​റ​ഞ്ഞു.

1952ൽ ​പി​താ​വ് എ​ൻ. കു​ഞ്ഞി​ക്ക​ണ്ണ​നാ​ണ് ക​ട തു​ട​ങ്ങി​യ​ത്. മ​ക്ക​ളാ​യ മോ​ഹ​ന​ന്റെ​യും ദാ​സി​ന്റെ​യും പേ​രു​ചേ​ർ​ത്താ​ണ് ക​ട​ക്ക് മോ​ഹ​ൻ​ദാ​സ് സൈ​ക്കി​ൾ മാ​ർ​ട്ടെ​ന്ന് പേ​രി​ട്ട​ത്. പി​താ​വും സ​ഹോ​ദ​ര​നും വി​ട​പ​റ​ഞ്ഞു. എ​ങ്കി​ലും പി​താ​വി​നെ സ​ഹാ​യി​ക്കാ​ൻ 1970ൽ ​ഷോ​പ്പി​ൽ ക​യ​റി​യ മോ​ഹ​ന​ൻ ന​ഗ​ര​ത്തി​ന്റെ പ്രി​യ സൈ​ക്കി​ൾ റി​പ്പ​യ​റു​കാ​ര​നാ​യി ഇ​ന്നും തു​ട​രു​ന്നു.

പ​ഴ​യ മീ​ൻ വ​ണ്ടി​ക്കാ​ർ മു​ത​ൽ ന​ഗ​ര​ത്തി​ലെ ന്യൂ​ജെ​ൻ സൈ​ക്കി​ൾ റൈ​ഡ​ർ​മാ​ർ​വ​രെ മോ​ഹ​ന​ന്റെ ക​സ്റ്റ​മേ​ഴ്സാ​ണ്. താ​മ​ര​ശ്ശേ​രി, വ​യ​നാ​ട് എ​ന്നി​വി​ട​ങ്ങ​ളി​ൽ നി​ന്ന​ട​ക്കം സൈ​ക്കി​ളു​മാ​യി ആ​ളു​ക​ളെ​ത്തു​ന്നു. സ്പോ​ർ​ട്സ് സൈ​ക്കി​ളു​ക​ൾ​ക്കാ​ണ് ഇ​ഷ്ട​ക്കാ​ർ ഏ​റെ. ഗി​യ​ർ വ​ർ​ക്ക​ട​ക്കം വ​ലി​യ പ​ണി​യാ​ണെ​ങ്കി​ൽ​പോ​ലും ര​ണ്ടാ​ഴ്ച​ക്കു​ള്ളി​ൽ സൈ​ക്കി​ൾ ന​ന്നാ​ക്കി​ക്കി​ട്ടും. ഇ​നി ഇ​ല​ക്ട്രി​ക് സൈ​ക്കി​ൾ മെ​ക്കാ​നി​സ​വും പ​ഠി​ക്ക​ണ​മെ​ന്നാ​ണ് മോ​ഹ​ന​ന്റെ ആ​ഗ്ര​ഹം.