ഓണത്തിരക്കിനിടയിൽ ക്രമക്കേട് കണ്ടെത്താൻ കോർപറേഷൻ പരിശോധന

കോ​ഴി​ക്കോ​ട്: ഓ​ണാ​ഘോ​ഷ​ത്തി​ര​ക്കി​നി​ട​യി​ൽ ക്ര​മ​ക്കേ​ടു​ക​ൾ ക​ണ്ടെ​ത്താ​ൻ കോ​ർ​പ​റേ​ഷ​ൻ പ​രി​ശോ​ധ​ന. മാ​ലി​ന്യം ത​ള്ള​ൽ, അ​ന​ധി​കൃ​ത ക​ച്ച​വ​ടം, ഫൂ​ട്പാ​ത്ത് കൈ​യേ​റ്റം, ശു​ചി​ത്വ​മാ​ന​ദ​ണ്ഡം പാ​ലി​ക്കാ​തെ​യു​ള്ള വി​ൽ​പ​ന എ​ന്നി​വ നി​യ​ന്ത്രി​ക്കാ​നാ​യാ​ണ് പ​രി​ശോ​ധ​ന ന​ട​ത്തി​യ​ത്. ഓ​ണാ​ഘോ​ഷ​ത്തി​ന്റെ തി​ര​ക്ക് തീ​രു​ന്ന​തു​വ​രെ ന​ഗ​ര​ത്തി​ൽ എ​ല്ലാ​ദി​വ​സ​വും പ​രി​ശോ​ധ​ന ക​ർ​ശ​ന​മാ​യി ന​ട​ത്താ​നാ​ണ് തീ​രു​മാ​നം.

ഓ​ണ​ത്തി​ര​ക്ക് ഏ​റി​യ പാ​ള​യം, മി​ഠാ​യി​ത്തെ​രു​വ്, മാ​നാ​ഞ്ചി​റ, പു​തി​യ ബ​സ് സ്റ്റാ​ൻ​ഡ് എ​ന്നി​വി​ട​ങ്ങ​ളി​ലാ​ണ് എ​ൻ​ഫോ​ഴ്സ്മെ​ന്റ് സ്ക്വാ​ഡ് പ​രി​ശോ​ധ​ന ന​ട​ത്തി​യ​ത്. ഫൂ​ട്പാ​ത്ത് കൈ​യേ​റി വ​ഴി​യാ​ത്ര​ക്കാ​ർ​ക്ക് ബു​ദ്ധി​മു​ട്ട് സൃ​ഷ്ടി​ക്കു​ന്ന​രീ​തി​യി​ൽ അ​ന​ധി​കൃ​ത ക​ച്ച​വ​ടം ചെ​യ്ത​വ​രെ ഒ​ഴി​പ്പി​ച്ചു. പാ​ള​യം ബ​സ് സ്റ്റാ​ൻ​ഡി​ൽ​നി​ന്ന് വാ​ഹ​ന​ങ്ങ​ൾ പു​റ​ത്തേ​ക്ക് ഇ​റ​ങ്ങു​ന്ന​വ​ഴി​യി​ൽ ഇ​രു​വ​ശ​ങ്ങ​ളി​ലു​മാ​യു​ള്ള ക​ച്ച​വ​ടം അ​ടി​യ​ന്ത​ര​മാ​യി നീ​ക്കം​ചെ​യ്യാ​ൻ ക​ർ​ശ​ന​നി​ർ​ദേ​ശം ന​ൽ​കി.

പൂ​ർ​ണ​മാ​യി ഫൂ​ട്പാ​ത്ത് ​​കൈ​യേ​റി ക​ച്ച​വ​ടം ചെ​യ്ത പാ​ള​യ​ത്തെ ര​ണ്ട് ക​ട​ക​ൾ​ക്ക് നോ​ട്ടീ​സ് ന​ൽ​കി. ആ​രോ​ഗ്യ​കാ​ര്യ സ്ഥി​രം​സ​മി​തി അ​ധ്യ​ക്ഷ ഡോ. ​എ​സ്. ജ​യ​ശ്രീ​യു​ടെ നി​ർ​ദേ​ശാ​നു​സ​ര​ണം ഹെ​ൽ​ത്ത് ഓ​ഫി​സ​ർ ഇ​ൻ​ചാ​ർ​ജ് കെ. ​പ്ര​മോ​ദ്, ഹെ​ൽ​ത്ത് സൂ​പ്പ​ർ​വൈ​സ​ർ ബെ​ന്നി മാ​ത്യു, സീ​നി​യ​ർ പ​ബ്ലി​ക് ഹെ​ൽ​ത്ത് ഇ​ൻ​സ്പെ​ക്ട​ർ​മാ​രാ​യ ഡെ​യ്സ​ൺ, ബി​ജു ജ​യ​റാം, ശൈ​ലേ​ഷ്, പ​ബ്ലി​ക് ഹെ​ൽ​ത്ത് ഇ​ൻ​സ്പെ​ക്ട​ർ സു​ജി​ത്ത് എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു പ​രി​ശോ​ധ​ന.