Begin typing your search above and press return to search.
exit_to_app
exit_to_app
Posted On
date_range 21 July 2021 12:03 AM GMT Updated On
date_range 21 July 2021 12:03 AM GMTപേരാമ്പ്ര മണ്ഡലത്തിൽ 10 ടൂറിസം കേന്ദ്രങ്ങൾ തുടങ്ങും-മന്ത്രി
text_fieldsbookmark_border
പേരാമ്പ്ര: നിയോജക മണ്ഡലത്തിൽ നിലവിലുള്ളവ ഉൾപ്പെടെ 10 വിനോദ സഞ്ചാര കേന്ദ്രങ്ങൾ ആരംഭിക്കുമെന്ന് മന്ത്രി പി.എ. മുഹമ്മദ് റിയാസ് പറഞ്ഞു. മണ്ഡലത്തിലെ ടൂറിസം വികസന സാധ്യതകള് വിലയിരുത്താൻ മന്ത്രി പെരുവണ്ണാമൂഴി വിനോദ സഞ്ചാര കേന്ദ്രത്തില് സന്ദർശനം നടത്തി. പെരുവണ്ണാമൂഴിയെ മണ്ഡലത്തിലെ ടൂറിസത്തിൻെറ പ്രധാന കേന്ദ്രമായി മാറ്റുമെന്നും അദ്ദേഹം പറഞ്ഞു. അതത് തദ്ദേശ സ്ഥാപനങ്ങള് നിർദേശിക്കുന്ന കേന്ദ്രങ്ങളില് തദ്ദേശ സ്വയംഭരണ വകുപ്പിൻെറ കൂടെ സഹകരണത്തോടെ ടൂറിസം പദ്ധതികള്ക്ക് തുടക്കം കുറിക്കുമെന്നും മന്ത്രി പറഞ്ഞു. ടി.പി. രാമകൃഷ്ണന് എം.എല്.എ, പേരാമ്പ്ര ബ്ലോക്ക് പഞ്ചായത്ത് പ്രസിഡൻറ് എന്.പി. ബാബു, ചക്കിട്ടപാറ ഗ്രാമപഞ്ചായത്ത് പ്രസിഡൻറ് കെ. സുനില്, ചങ്ങരോത്ത് ഗ്രാമപഞ്ചായത്ത് പ്രസിഡൻറ് ഉണ്ണി വേങ്ങേരി, ടൂറിസം പ്രമോഷന് കൗൺസില് അംഗം എസ്.കെ. സജീഷ്, ഡി.ടി.പി.സി സെക്രട്ടറി സി.പി. ബീന, ജനപ്രതിനിധികള്, ടൂറിസം, ജലസേചന വകുപ്പ് ഉദ്യോഗസ്ഥര് എന്നിവര് പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story