മരുന്നുവിതരണം മുടങ്ങി; യൂത്ത് ലീഗ് പ്രതിഷേധിച്ചു

വടകര: വടകര മുകച്ചേരി ഭാഗത്ത്​ സ്ഥിതിചെയ്യുന്ന നഗരസഭ കുടുംബാരോഗ്യകേന്ദ്രത്തിലെ മരുന്നുവിതരണം മുടങ്ങി. പ്രതിഷേധവുമായി യൂത്ത് ലീഗ്. ഫാർമസിസ്റ്റ് അടക്കമുള്ളവർ അവധിയിൽ പോയതാണ് മരുന്ന് ലഭിക്കാതെ രോഗികളെ ദുരിതത്തിലാക്കിയത്. അവധിയിൽ പോയ ഫാർമസിസ്റ്റിന്​ പകരം ദിവസവേതന അടിസ്ഥാനത്തിൽ പുതിയ ഫാർമസിസ്റ്റിനെ നിയമിക്കണമെന്നും മുമ്പുണ്ടായിരുന്ന രണ്ടാം ഫാർമസിസ്റ്റ് തസ്തിക പുനഃസ്ഥാപിക്കണമെന്നും അല്ലാത്തപക്ഷം ശക്തമായ സമരപരിപാടികളുമായി മുസ്​ലിം യൂത്ത് ലീഗ് മുന്നോട്ടുവരുമെന്ന് മുന്നറിയിപ്പ് നൽകി. സംഭവത്തിൽ പ്രതിഷേധിച്ച് ആശുപത്രിക്ക് മുന്നിൽ ധർണ നടത്തി. മെഡിക്കൽ ഓഫിസർക്ക് നിവേദനം നൽകി. യൂത്ത് ലീഗ് വടകര മുനിസിപ്പൽ കമ്മിറ്റി സംഘടിപ്പിച്ച പ്രതിഷേധ ധർണ മുനിസിപ്പൽ കൗൺസിലർ കെ.പി. ഷാഹിമ ഉദ്ഘാടനം ചെയ്തു. ആർ. സിറാജ് അധ്യക്ഷത വഹിച്ചു. ഫൈസൽ സുന്നത്ത്, യു. അജിനാസ്, വി.പി. ഹിജാസ്, ഷംസു എന്നിവർ സംസാരിച്ചു. കെ.കെ. സഫീർ സ്വാഗതവും കെ. അക്ബർ നന്ദിയും പറഞ്ഞു. ചിത്രം കുടുംബാരോഗ്യ കേന്ദ്രം മരുന്നുവിതരണം മുടങ്ങിയതിൽ പ്രതിഷേധിച്ച് യൂത്ത് ലീഗ് വടകര മുനിസിപ്പൽ കമ്മിറ്റി സംഘടിപ്പിച്ച ധർണ Saji 2