Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightക്രമക്കേടുകളും...

ക്രമക്കേടുകളും അച്ചടക്കലംഘനവും; ജില്ല ജയില്‍ സൂപ്രണ്ടിനെതിരേ നടപടി വന്നേക്കും

text_fields
bookmark_border
കോഴിക്കോട്: ക്രമക്കേടുകളും അച്ചടക്കലംഘനവുമുണ്ടായെന്ന റിപ്പോർട്ടിനെ തുടർന്ന്​ ജില്ല ജയില്‍ സൂപ്രണ്ടിനെതിരെ നടപടി സ്വീകരിച്ചേക്കും. ഉത്തരമേഖല ഡി.ഐ.ജി വിനോദ്കുമാറി​‍ൻെറ പ്രാഥമികാന്വേഷണത്തില്‍ ജയില്‍ സൂപ്രണ്ടി‍ൻെറ ഭാഗത്ത് വീഴ്ചകളുണ്ടായെന്ന്​ ബോധ്യപ്പെട്ടിട്ടുണ്ട്​. റിപ്പോര്‍ട്ട് അടുത്തദിവസം ജയില്‍ ഡി.ജി.പി ഋഷിരാജ് സിങ്ങിന് സമര്‍പ്പിക്കാനാണ്​ തീരുമാനം. ജയില്‍ വകുപ്പ് കോഴിക്കോട് നഗരത്തിൽ തുടങ്ങിയ വില്‍പന കേന്ദ്രത്തിലെ നിയമനത്തിൽ ക്രമക്കേടുണ്ടെന്ന്​ ആരോപണമുയർന്നിരുന്നു. പച്ചക്കറിയടക്കമുള്ള സാധനങ്ങൾ ജയിലിലേക്ക്​ നൽകിയ സഹകരണസംഘത്തെ മാറ്റിയതിലും ക്രമക്കേടെന്ന്​ ആരോപണമുണ്ട്​. വേറൊരു ഏജന്‍സിക്കാണിപ്പോൾ കരാര്‍. ജയിൽ സൂപ്രണ്ട്​ തുടർച്ചയായി അവധിയെടുക്കുന്നുവെന്നും ഇതു മേലുദ്യോഗസ്ഥരുടെ അനുമതിയില്ലാതെയാണെന്നും പരാതിയുയർന്നിരുന്നു. ജയിലില്‍ കോവിഡ് രൂക്ഷമായ സമയം സൂപ്രണ്ട് അവധിയിലായിരുന്നുവെന്നും പരാതിയുണ്ട്​. കോവിഡ്​ നിയന്ത്രിക്കാൻ ഒടുവിൽ അന്തേവാസികളെ ചരിത്രത്തിൽ ആദ്യമായി വെസ്​റ്റ്​ഹിൽ ഗവ.എൻജിനീയറിങ്​ കോളജ്​ വനിതാഹോസ്​റ്റലിലേക്ക്​ മാറ്റേണ്ടിവന്നു. കലകട്​റുടെ പ്രത്യേക ഉത്തരവി​‍ൻെറ അടിസ്​ഥാനത്തിലാണ്​ നഗരസഭ ഹോസ്​റ്റലിൽ പ്രത്യേക കേന്ദ്രം ഒരുക്കിയത്​. ക്വാർട്ടേഴ്‌സില്‍ സൂപ്രണ്ട് അവധിയിലിരിക്കെ ബന്ധുവിനെ താമസിപ്പിച്ചുവെന്നും പരാതിയുണ്ടായിരുന്നു. അന്വേഷണ ഭാഗമായി സൂപ്രണ്ടിന് ഡി.ഐ.ജി കാരണം കാണിക്കല്‍ നോട്ടീസ് നല്‍കിയിരുന്നു. സൂപ്രണ്ട് ഇക്കാര്യത്തിൽ നൽകിയ മറുപടിയുടെ വിശദാംശങ്ങളും ഡി.ജി.പിക്ക് സമര്‍പ്പിക്കുന്ന റിപ്പോര്‍ട്ടില്‍ ഉള്‍പ്പെടുത്തും. ഡി.ജി.പിയും വിശദീകരണം ആവശ്യപ്പെട്ടതായാണ്​ വിവരം.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story