ജനപ്രതിനിധികള്‍ക്കുള്ള പരിശീലനം ഇന്നുമുതൽ

മുളങ്കുന്നത്തുകാവ് (തൃശൂർ): തദ്ദേശ സ്വയംഭരണ സ്ഥാപനങ്ങളില്‍ ചുമതലയേറ്റ ജനപ്രതിനിധികള്‍ക്കുള്ള പരിശീലനങ്ങള്‍ കിലയുടെ നേതൃത്വത്തില്‍ ബുധനാഴ്​ച മുതല്‍ 16 വരെ ഓണ്‍ലൈനായി സംഘടിപ്പിക്കും. ജനപ്രതിനിധികള്‍ അതതു തദ്ദേശ സ്വയംഭരണ സ്ഥാപനങ്ങളില്‍ പങ്കടുക്കുന്ന രീതിയിലാണ് പരിപാടി നടക്കുക. ഗ്രാമപഞ്ചായത്തുകള്‍ക്കും നഗരസഭകള്‍ക്കും ബ്ലോക്ക്‌ പഞ്ചായത്തുകള്‍ക്കും പ്രത്യേക സമയം നിശ്ചയിച്ച് കേന്ദ്രീകൃത വിഡിയോ സെഷനുകള്‍ വഴിയാണ് പരിശീലനം. ചോദ്യോത്തരങ്ങള്‍ക്കും ചര്‍ച്ചക്കും സൗകര്യമൊരുക്കും.